MATTHEW 5:25 - Kathara Bible (BSI)

²⁵ “Kachikathāna nali hanga̱ hokaakha kārot kākhavai zatta leilakha nali kaphena mi chili thaklāk eina mashitkhuilu. Chi mathaakha ana nali bicharwoli mikāhaipai kala bicharwona kashinali misangmaronlaga nali phātopli sanghaipai.

MATTHEW 5:25 Iomraidhean Croise

JOBWUI LAIRIK 22:21

“Vareli mashitkhuida chingri eina pamlu; chithākha nali kaphā chi rāra.

LAA 32:6

Chiwui vang shitkasanga mi kachiva̱na nali seihā sāranu; kakhanang atamli, tara̱ kaphong atamli athumna ali marāza̱rarmara.

CHĀNSAM 25:8

bichar shimli totot eina makhuirālu, kaja nawui khongnaina nali maishi khangasak tharan na naoda khi sārakhala?

MATTHEW 26:58

Peterna pāngmon khareiwui kayāng vāshungda lachāham eina shurvai, ana alungli zanglaga akatang chi yangkhui khavai shantribingli ngasopama.

LUKE 18:3

Keinung chili ‘Mashun bichar sāmida khamashunga tuitak tāmilu’ da ali rāhāngching kaje rameinao akhala leisai.

2 CORINTHNAO 6:2

Kaja Varena hānga: “Khuisangmikapai atamli nathumwui tui shāmihaira; huimi khavai zimiksho kharā tharan nathumli ngachonmihaira.” Yanglu, arui khuisangmikapai atamna; arui huikhami zimikshona!

HEBREWNAO 12:17

Nathumna thei kaja naoda ana avāva̱wui sokhami chi ningchāngda samphanglui khavai phālala ali khalanhaowa, kaja ana chāra̱ tāda kahaolala ningngatei khavai atam masamphangluimana.

HEBREWNAO 3:13

Moreina nathum khipālikha chipatta ning mamakang ngasak khavai “Aja” kaho hi leilakha nathum akha eina akha kasatkasang eina ngasoda thangkachida machin ngaroklu.

HEBREWNAO 3:7

Chieina Manglā Katharana kahāng thada, “Aja nathumna Varewui akhon shaakha,