MATTHEW 5:22 - Kathara Bible (BSI)

²² Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

MATTHEW 5:22 Iomraidhean Croise

HAOKAPHOK 37:4

Kha awui amangarāli lāngda avāva̱na Josephli leishimei kaji kathei tharān ali yangkharinghaowa kala ali mathāda mangazekngaimana.

HAOKAPHOK 37:8

Achinangarāna ali hānga, “Nana ithumli mungra kajila? Maningakha ithumli nana singyuira kajikhala?” Athumna awui mang kala tuimatui chiwui vang yangkharingmeiluihaowa.

2 SAMUEL 16:7

Kala Shime-ina khonshida “Makānkhana mi asheewui mi, thuihaolu, thuihaolu” da hānga.

2 SAMUEL 6:20

Kala Davidna ashi shimkhurli somikida unga. Kha Saulwui naongalāva̱ Michalna Davidli samphang khavai shokngarokta hānga, “Achei-arei makathei mi akhana kakhayak matheilākla akhalatta mafakakham thāda awui raobingwui preiva̱ ngarāwui miktāli Israelwui awungana aja akhalatta sāda khalei hi kayākha maikashi otkhala!”

1 WUNGNAOBING 21:4

Nabothna ali kahāng chiwui vang Ahabna malungvātta shilaga shimli unghaowa, kaja “Ishāvā ngarāwui shimlui nali mamimara” jihaowa. Ana petli ngayaisangda mai ngareifazanglaga zātla mazāmara jihaowa.

2 THOTRINCHĀN 16:10

Asana malungvātnahaida marān chili zurthing sanglaga narhai. Chili lāngda mi khangateilila Asana kachotkachāng mi.

2 THOTRINCHĀN 19:5

Judahwui raipan sākahai keinung saikorali bichar sākhamebing phasangmiserda athumli hānga:

NEHEMIAH 5:8

kala athumli hānga, “Ithumna kashap eina tangda, yur khangateibingli yorsang kahai Jehudi achinā ngarā lokhuiluishithaira, kha nathumwui nachinā ngarā eina tangdali yorhaida ithumna lokhuiluishit khavai sādalei!” Athumna khituikha ngahānkā khavai maleithuda kasaikha pamhaowa.

LAA 109:3

Athumna ili yangkakharing tuimāng matuiya kala angalang maleila ili ngarara.

LAA 14:1

Mangkhama̱ china awui ningli “Vare maleimana” da hānga. Athum chiya kateikazā, ningkakachai ot kasābingmangā. kapha kasa akhala maleimana.

LAA 25:3

Mha, nali honda khalei khipālikha mamaishi ngasakranu; maphākhuilakla yansaikazatbingli kakhayak ngasāranu.

LAA 35:19

Iwui mashitsangkapai yangkashebingna iwuitungli mamathān ngasaklu, ili maram maleila yangkakharingbing mik makathap ngasaklu.

LAA 37:8

Malung mavātalu, malungkathui chihohaolu! nakhalatta makhanangalu; china makaphāmāngli thānvai.

LAA 49:10

Mha, thangkhamala thi kaji ana theira, mangkhama̱ eina makhanganingala khanini shimānra; kala athumwui lan kateili haimira.

LAA 69:4

Maram maleila ili yangkashebing ikuisamli chungmei; kapikta ili khangashaobing, ili shimān ngasakki kaji athum panglaka. Ina maleekakhui ara ina runphalungrala?

LAA 7:4

iwui ngasotali ina makaphā eina hanmihairasaakha, lah iwui yangkasheli maram maleila sākhayāngmihairasaakha,

LAA 92:6

Mangkhama̱na matheirarmara, mathangkhama̱ mina hi matheikhuirarmana:

CHĀNSAM 14:16

Thangkhama mina ngashara kala makaphāwui eina ngareithuihaowa, kha mangkhama̱na khangashar horhaida paireka.

CHĀNSAM 18:6

Mangkhama̱wui morchaina nganang ngasaka, kala akhamorna kashao reokhuiya.

JEREMIAH 17:11

Tiktarenna mapumkakhui nao nganaokakhui chithāda, mashun mazangla shāngkakhui a chikathāna; mirin ngahunpatli athumna ali nothāhaora kala awui athitlam mangkhama̱ ngasai.

CHAPCHĀT 3:52

“Angalang maleila ili yangkashebingna vānao thāda ngatānzata;

DANIEL 3:13

Chieina Nebuchadnezzarna malungvātlākhaida, Shadrach, Meshach kala Abednego athumli khuirālu da kasoi. Kakaso athishurda athumli khuivai.

DANIEL 3:19

Chi shālaga Nebuchadnezzar malungvātlakhaowa kala awui ningngaila Shadrach, Meshach kala Abednego athumwuitungli ngateihaowa. Ana meifa chi khangachāwui kasāli shini shida sāmei khavai kasoi.

OBADIAH 1:10

Nagato Jacobli shaokathatwui vang, na maishiphalungra kala katatchaohaora.

OBADIAH 1:12

Kha nachinā kalāshithang na maringphā ngayimana, Judah shimānthang mamathān ngayimana; khanangthang na malangso ngayimana.

MATTHEW 10:17

Mibingli ngasharlak eina yanglu, kaja nathumli athumna hanga̱shimli hokāra kala athumwui synagogueli sājei eina ngaphitra,

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 12:24

Kha Phariseebingna chi kashā eina hānga, “Hiya kameobingwui akhavā Beelzebulwui pangshap eina ana kashamkashokna.”

MATTHEW 17:5

Ana matuimahunglakha, yanglu, horchamri kahai muiyāna athumli ngapuikhamhaowa kala muiyālungwui eina akhon akha vaorada, “Hi iwui khaluma Naomayarana, ali Ina ningyāng unglaka, awui kahāng nganālu.”

MATTHEW 18:21

Chiwui thili Peterna ali rāhānga, “Proho, ichināna iwuitungli kayākhashida khayon sāpaira, kala ina pheomipairakhala? Shini shira̱lā?”

MATTHEW 18:35

Chithada sāda nathumna nachinā ngarāwui khayon khamāng chi wuklung eina mapheomiakha kazingramli khaleia iwui Avā chinala nathum kachiva̱li chithada sāra.”

MATTHEW 23:15

Ain kathembing eina Phariseebing, phākakhaningabing! nathumli kakhanang ringkashi ngasāranu, khikhalajila nathumna ning khangachei mi akha samphang khavai ngalei kala shamadru kānda phāzata kala ana ngachei kahai eina nathumna ali khum khani mataida nathum thada kazeiramwui nao ngasā ngasaka.

MATTHEW 23:33

Phara̱bing, phara̱wui naongarābing, nathumna kazeiram vāki kajiwui eina kathada yāmshokpaira?

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 26:59

Pāngmon akhokabing eina hangva̱naobingna Jishuli shaothat khavai makhamashunga shākhi phai,

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

MATTHEW 5:34

Kha ina nathumli kahāngna, tuingashit kasā tharan shākhi masālakalu, kazingwui ming singdala shākhi masālakalu, khikhalajila chiya Varewui pamkhavaina;

MATTHEW 5:44

Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu.

MARK 14:55

Pāngmon akhokabing eina hangva̱nao katongana Jishuli shaothat khavai shākhi phai, kha akhala masamphangmana.

MARK 15:1

Pāngmon akhokabingna kazing thangkhaleoda ararbing, ain kathemabing kala hangva̱naobingli ngasoda tui ngacham ngaroka. Athumna Jishuli khalaplaga shimenphungda Pilateli vamisanghaowa.

LUKE 12:5

Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu.

LUKE 22:66

Kazing kathang eina hangva̱naobing, pāngmon akhokabing kala ain kathembing rākazipngaruma. Jishuli hanga̱shimli khuivāda hānga,

JOHN 11:47

Chieina Phariseebing eina pāngmon akhokabingna hangva̱naoli ngasoda kaziplaga hānga, “Kathausikhala? Mipa hina machut kachungkha sāda lei.

JOHN 15:25

Chithālala hi shokphalungra, kaja ainli kapi kahai ‘Khi ngalangkha maleila athumna ili ningkachaihaira’ kaji hi ungshung khavaina.

JOHN 7:20

Athumna ngahānkai, “Chipee zanghaira, nali khipāna shaothatra jikhala?”

JOHN 8:48

Athumna Jishuli ngahāna, “Na Samarianaona kala nali chipee zangdalei da ithumna kahāng hi mamashungmala?”

OTSAK 17:18

Kachikathā Epicurean eina Stoicwui ojabingla ali ngaphat ngayātta kaikhana ngahāna, “Mangkhama̱pa hina khi hāngkhangaikhala?” Khangatei kaikhana ngahānkai, “Ana khangatei ramwui kameowui pongli khamatui thāli.” Paulna Jishu kala ringkhaluiwui pongli hāshoka.

OTSAK 22:30

Shipai akhavā china khiwui vang eina Jihudibingna Paulli kaphenkhala kaji theishingkhui khavai ningchānghaowa, chieina akhama kathā Paulli khalap kahai chi khalāmihaowa kala pāngmon kharei eina hangva̱naobing kazip khavai kasoi. Chiwui thili ana Paulli thānphungda athumwui mangāli ali kānganing ngasaka.

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

OTSAK 24:20

Chi maningakha ina hanga̱ mangāli khanganing hi eina athumna iwui khayon khi samphangkhala kaji hāngranu.

OTSAK 4:15

Chieina anili hanga̱shimwui eina shoksāpaira da hānglaga athum akha eina akha ngazek ngarokta hānga,

OTSAK 5:21

Athumna tui chi shāda kazing kathang eina khorumshimli atamchitheiphoka. Chitharan pāngmon kharei eina ali khangasobing china hanga̱ kazipngarum khavai Jihudiwui ararbingli hokhui, kala paokazatbing chili akhui khavai phātop shimli mi chihovai,

OTSAK 5:27

Athumna paokazatbing chili khuiungda hangva̱wui mangāli nganing ngasaka, kala pāngmon kharei china athumli hānga,

OTSAK 6:12

Hithada sāda mibinglila, ararnaobinglila kala ain kathembinglila athumna ning ngatha̱ ngasaka. Chieina athumna ali atukkhuilaga hanga̱li khuikai.

OTSAK 6:15

Hanga̱shimli kapam saikorana Stephenli yangvāser kaji eina awui mai kazingraowui thada thei.

OTSAK 7:37

‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka.

ROMNAO 12:10

Akha eina akha Khristawui lungli chinaongarāwui leikashi mida leishi ngaroklu. Akha eina akha khayāshi ngaroklu.

1 CORINTHNAO 6:10

khalebing, kākharāmabing, khamaripabing, khamashātabing kala phama̱kashaobing khipākha Vare wungramli mazangmara.

1 CORINTHNAO 6:6

Nathum akhana akhali kārotli khuivālaga mashitkasangbingli bichar sāngasaka kajilā?

KHALATLUI 15:11

Kaja ngalei chili kachām-khangai mashimānlakmara, chiwui vang eina ina kagasona, nathum ngalei chiwui kachāma khangazana nachināli mingairereo eina milu.”

KHALATLUI 16:18

“Proho nathumwui Varena khami nathumwui keinung kachiva̱li, nathumna shang-shangwui athishurda bicharsamebing kala otva̱bing phāsangra; kala athumna mibingli khamashung eina bichar sāmira.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.

TITUS 3:2

Khipalikha kashi tui mamatui khavai, makharar khavai, kha malungnim khavai, mashit khavai kala mi saikorali ngahānthei khavai hānglu.

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

JAMES 2:20

He mangkhama̱bing! otsak maleila shitkasang hi aremana kaji hi chithei ngasakngailā?

JAMES 3:6

Male hi mei kathāna. Okathuili male hina khayon otmāng sai, kala phasā akai sāda phasā katongali maphāngasakmana. Kazeiramwui mei chi thotsangda mirin chuitā ngasaka.

1 PETER 2:23

Ali kachipat chitharan ana kachipat tui eina mangahānkāmana; Ana kachot tharan mamachitmana, kha khamashung bicharsame Vare chili awui kachihān leichinga.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 JOHN 2:9

Kahor lungli lei jilaga nachināli yangkharingakha chikathā mi chi tangmangting eina leifaya.

1 JOHN 3:10

Varewui naongarā eina chipeewui naongarā ngakheikhang eina theikhuipai; khamashung ot makasā kala achināli maleikashe mi chi Varewui nao maningmana.

1 JOHN 5:16

kachikathā mi akhana, avānao akhana mathikapai morei kasā theiakha ana awui vang seihā sāmiranu, chieina mathikapai morei kasāwui vanga Varena ali ringngasakra. Thikapai morei lei; chikathāwui vang seihā sāmilu da ina kahāng maningmana.

JUDE 1:9

Kathāna kazingrao Michael eina tangda chithada masāmana. Moseswui phasā khipāna khuirakhala da khangaphat tharan Michaelna chipeeli kazei tui eina makaharmana; kha hithada hānga, “Prohona nali hāngmachinra.”

PHONGKHAMI 20:14

Chiwui thili Kathe eina Kazeiramli meiwui ngayili horsanghaowa. Meiwui ngayi hi thikakhanena;