MATTHEW 5:18 - Kathara Bible (BSI)

¹⁸ Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MATTHEW 5:18 Iomraidhean Croise

LAA 102:26

Athum shimānra, kha nava leichingra; athum saikora kashankachon thāda kakhaora. Kashankachon thāda nana ngacheimi, kala athum kānthuihaowa;

LAA 111:8

saikora chi katang makhavaiwui vang sākahaina, ningtongda mashungrik eina sākhavaina.

LAA 119:152

Nawui tamkachithei eina ina acha theihairasai chiya nana katang mavaila phāshok kahaina da.

ISAIAH 40:8

Thingnāna thenga, awonla ngahui, kha ithum Varewui tui mashimānda leichingra.

ISAIAH 44:26

awui raowui tui ungshung khangasaka, awui paomebingwui hāngkachithei tui ungshung khangasaka, Jerusalemwui pongli ‘Chili mi panluira’ da hāngkhame, Judahwui keinungbingwui apongli ‘Athum sakāluira, kala ngayāng kahai ina semkāluira’ da kahāngana.

ISAIAH 51:6

Kazingramli namik yangkālu, kala azingshong okathuili yangtālu; kaja kazingram meikhut thāda shimānhaora, okathuina chonshi thāda tāngurhaora, kala chili kapambing hāmi thāda thihaora. Kha iwui huikhami leichingra, kala iwui ngatangkhami katang mavaimara.

MATTHEW 10:15

Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 10:23

Athumna nathumli keinung akhali rekakharek chitharan khangatei akhali yāmvālu; kaja Ina nathumli kachangkhat eina kahāngna, miwui Naomayarana marāranglakha eina tangda nathumna Israel keinung saikorali sākikaji ot masākuprangsāra.

MATTHEW 10:42

Kachikathāna iwui sākhangatha̱bingwui ngachaili teomeikap kaje akhali iwui sākhangatha̱na kajiwui vang tara̱ khamakui kapkhamāngla mimangakha, ina nathumli kachangkhat kahāngna, kachilikha awui sāman chi mashimānlakmara.”

MATTHEW 11:11

Ina nathumli kachangkhat kahāngna, sha̱naona kapharāwui ngachaili John Ra̱hikmeli reikhamei khipākha mashoklakrangli; chithālala kazing wungramli teomeikap kaje china ali reimei.

MATTHEW 13:17

Ina nathumli kachangkhat kahāngna, marān kala khangaronga mi kachungkhana nathumna kathei thada theingailaksai; kha matheirarthuwa, kala nathumna kashā chi shāngaisai, kha chi mashāthuwa.

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 17:20

Jishuna ngahānkai, “Marama nathumwui shitkasang vātkahaiwui vangna. Ina nathumli kahāngna, nathumna shitkasang kayānghanthā rikha leiakha, phungrei hili nathumna ‘Hiwui eina araa chili vālu’ jilala vāra. Nathumna khikha masākharar maleimara.”

MATTHEW 18:18

“Ina nathumli kachangkhat eina kahāngna, kachikathāli nathumna okathuili khalap kahahai chi kazingramlila khalapra, kala nathumna okathuili khalāmi kahai chi kazingramlila khalāmira.

MATTHEW 18:3

hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 19:23

Chiwui thili Jishuna awui sākhangatha̱bingli hānga, “Ina nathumli kachangkhat eina kahāngna, kashānga akhana kazing wungramli zangki kaji hi saklakra.

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 21:21

Chieina Jishuna athumli ngahānkai, “Ina nathumli kachangkhat kahāng hina, nathumna shitkasang leida ningkhamaong maleilakakha, khaorārongli sākahai himang majimara, kha nathumna phungrei hili eina tangda ‘khuilaga shamadruli ahorsanghaolu’ da hānglala chithada shokra.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 23:36

Kachangkhat ina nathumli kahāng hina, saikora hi thot hiwuitungli tāra.

MATTHEW 24:2

Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”

MATTHEW 24:47

Kachangkhat eina ina nathumli kahāngna, akhavāna rao chili awui khalalei lan saikorawuitungli chipamra.

MATTHEW 25:12

Kha ana hānga, ‘Kachangkhat ina nathumli kahāngna, nathumli I matheimana.’

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

MATTHEW 25:45

Chieina ana athumli ngahānkāra, ‘Kachangkhat ina nathumli kahāngna, nathumna teomeikap kaje akhali masākhami chi ili masākhamina.’

MATTHEW 5:26

Ina nali kachangkhat eina kahāngna, nana leiman chi marunkupranglakha eina tangda nali kachilikhala phātopwui eina machishotlakmara.

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:2

“Chiwui vang eina nana kachikathā khavāta mi akhali khangachon khami tharan phākakhaningabingna synagogueli kala chānreili mibingna sovairanu da kasā thada yaruili masāchitheizatalu.

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MARK 10:15

Kachangkhat eina ina nathumli kahāngna, Varewui wungram chi naoshinao akhana khuikasang thada makhuisangakha kachilikha chili mazangmara.”

MARK 10:29

Jishuna hānga, “Kachangkhat eina ina kahāngna, shimluila, achinā ngarāla, azara̱ngarāla, ava̱-avā kala naongarāla iwui vang kala paokaphāwui vang horhaishapakha

MARK 11:23

Kachangkhat eina ina nathumli kahāngna, kachikathāna phungrei hili ‘Phurkhuilaga shamadruli ahorsanghaolu’ da ning khamaong maleilakla kha ana kahāng chi ungshungra da shitsangakha, makahatlakla ungshungra.

MARK 12:43

Kala Jishuna awui sākhangatha̱bingli hokhuida hānga, “Kachangkhat eina ina nathumli kahāngna, rākachigat mi saikorawui ngachaili ra̱meiva̱ hina chungmeikapta rāchigata.

MARK 13:30

Kachangkhat eina ina nathumli kahāngna, ot saikora hi mashokranglakha thot hi makānthuimara.

MARK 14:18

Athumna tableli phazāmahunglakha Jishuna hānga, “Kachangkhat eina ina nathumli kahāngna, phazārumda khalei nathumwui ngachaili mi akhana ili yansaira.”

MARK 14:25

Kachangkhat ina nathumli kahāngna, Vare wungramli kadhara drakhāra̱ mangki kaji zimiksho chi marāranglakha eina tangda ina drakhāra̱ hi mamangluimara.”

MARK 14:30

Chieina Jishuna Peterli hānga, “Kachangkhat eina ina kahāngna, arui ngayā harvāna khanishida makhongranglakha nana ili matheimana da kathumshida hatra.”

MARK 14:9

Kachangkhat eina ina nathumli kahāngna, ali phaningkhaung sāda ana sāmi kahai chi paokaphā hākashokpam kachida hāngmira.”

MARK 3:28

“Kachangkhat eina ina nathumli kahānga, miwui naomayarabingli morei saikora kala kachipat tui khamatui saikora pheomipaisera;

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

MARK 8:12

Kha ana khananglak eina ngahuida hānga, “Mithot hina khisāda machut kaphākhala? Ina nathumli kachangkhat eina kahāngna, mithot hili machut khikhala machitheimara.”

MARK 9:1

Ana athumli hānga, “Kachangkhat eina ina nathumli kahāngna, Varewui wungram china pangshap eina ngasoda kharā matheiranglakha kathi mamazapki kaji mi kaikha hili nganingda lei.”

MARK 9:41

Kachangkhat eina ina nathumli kahāngna, nathumna iwui mi kasingwui vang kachikathāna tara̱ tengkotkha mikhamangwui sāman kachilikha mashimānlakmara.”

LUKE 11:51

Abelwui eina thuilaga Zechariah tāshungda hanphutpam eina tharkhamathengpamwui ngachaili shaothat kahaiwui vang mithot hili kashong rāngra. Mha, ina nathumli kahāngna, athumwui vang mithot hili tandi mira.

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 13:35

Yanglu, nathumwui shim choda haimihaira kala ina nathumli kahāngna, nathumna ‘Prohowui mingli kharā mi chi sokhami ngasāranu’ da mahāngranglakha eina tangda nathumna ili matheiluimara.”

LUKE 16:17

Kha Ainwui tui sampārikkha sākakhailiva kazing eina okathui shimān kahaina paimei.

LUKE 18:17

Kachangkhat eina ina nathumli kahāngna, naoshinao thada Vare wungram hi makhuikasanga mi china kachilikha chili mazangrarlakmara.”

LUKE 18:29

Jishuna hānga, “Kachangkhat eina ina nathumli kahāngna, Vare wungramwui vang shimlui nilala, preiva̱ nilala, achinā ngarā nilala, ava̱ avā nilala, naongarā nilala horhaida zatthui kahai mi china

LUKE 23:43

Chieina Jishuna hānga, “Kachangkhat eina ina nali kahāngna, na aja ili ngasoda Paradiseli pamra.”

LUKE 4:24

Chieina ana hānglui, “Kachangkhat eina ina nathumli kahāngna, marān khipālikha khalattaramli khamayā maleimana.”

JOHN 1:51

Kala Jishuna athumli hānga, “Kachangkhat eina ina nathumli kahāngna, nathumna kazingram shokahai theira, kala Varewui kazingraobingna miwui Naomayarawuitungli kakā katung theira.”

JOHN 10:1

Jishuna athumli hānga, “Kachangkhat eina ina nathumli kahāngna, kaja yaoshangli khamong eina marāzangla apong khangatei eina yakkālaga kharā mipa chi khalena kala khangaponana.

JOHN 10:7

Chieina Jishuna hāngluishita, “Kachangkhat eina ina nathumli kahāngna; ina yaobingwui khamongna.

JOHN 12:24

Kachangkhat eina ina nathumli kahāngna, māngumna ngaleilungli tāzangda mathiakha chithada leichinga, kha thihaiakha māngum kachungkha mathei ngasaka.

JOHN 13:16

Kachangkhat eina ina nathumli kahāngna, raona akhavāli mahakmeimana, paophungmena kashivātali mahakmeimana.

JOHN 13:38

Jishuna ngahānkai, “Na kachangkhat iwui vang thishapralā? Kachangkhat eina ina nali kahāngna, harvā makhongranglakha nana ili matheimana da kathum shida hatra.”

JOHN 14:12

Kachangkhat ina nathumli kahāngna, kachikathāna ili shitsangakha ina kasā ot chi ala sāshapra, hakkhamei ot eina tangda sāra, kaja I Avāwuili vāhaora.

JOHN 16:20

Kachangkhat eina ina nathumli kahāngna, nathumna chapta sifaakha apuk-apagana mana̱ra; nathum wukhanangra, kha wukakhanang chi khamathān onhaora.

JOHN 16:23

Chitharan nathumna ili khikha mapomara. Kachangkhat ina nathumli kahāngna, nathumna iwui ming singda iwui Avāli kapo saikora ana mira.

JOHN 21:18

“Kachangkhat ina nali kahāngna, nganuilakha na khalatta shānneira̱ neilaga nawui zatkhangangaili zata; kha ara rarkahai eina napāng khāngkāda nawui shānneira̱ mi khangateina neimilaga mavākhangaipamli thānzatra.”

JOHN 3:11

Kachangkhat eina ina kahāngna, ithuma ithumna kathei chi matui kala mik eina theikahai chi shākhi mi, kha nathumna ithumwui shākhi hi makhuisangmana.

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

JOHN 5:19

Chieina Jishuna athumli hānga, “Kachangkhat eina ina nathumli kahāngna, Anaomayarana a khalattawui ning eina kasā khikha maleimana, kha Avāva̱na kasā chi theida kasāna.

JOHN 6:26

Jishuna ngahānkai, “Kachangkhat eina ina nathumli kahāngna, nathumna ili kaphā hi machut kathei chiwui vang maningmana, kha khamui shaida katho samkaphangwui vangna.

JOHN 6:32

Jishuna hānga, “Kachangkhat eina ina nathumli kahāngna, nathumli kazingramwui khamui khame chi Moses maningmana, kha iwui Avāna kazingramwui eina khamina.

JOHN 6:47

Kachangkhat eina ina nathumli kahāngna, shitkasanga mi chi katang makhavai kharing samphanga.

JOHN 6:53

Chieina Jishuna athumli hānga, “Kachangkhat eina ina nathumli kahāngna, miwui Naomayarawui asā mashaiakha kala ashee mamangakha nathumwuili kharing kaho maleimana.

JOHN 8:34

Jishuna hānga, “Kachangkhat eina ina nathumli kahāngna, morei kasā mi kachiva̱ moreiwui raona.

JOHN 8:51

Kachangkhat eina ina nathumli kahāngna, iwui tui khanganāpa chi mathilakmara.”

JOHN 8:58

Jishuna hānga, “Kachangkhat eina ina nathumli kahāngna, Abraham mapharāranglakha I leisai.”

1 PETER 1:25

kha Prohowui tui chiya katang mavaila ngayurzatchinga, tui chi nathumli hāshok kahai khamathā paokaphā china.”

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.