MATTHEW 4:9 - Kathara Bible (BSI)

⁹ kala ali hānga, “Nana ili ngakhumshāmda khorumhaiakha nali ina saikora hi mira.”

MATTHEW 4:9 Iomraidhean Croise

LAA 72:11

Awungabing saikora ali khorumranu, miyur saikorana ali otram ngatha̱ranu.

CHĀNSAM 8:15

Iwui mangā eina awungabingna munga, ngalei khangākabingna tāzak tārak kahai mashun mi;

DANIEL 4:32

nali mibingwui pamkhavai eina kashamhaora, kala nava khararwui ramsābingli ngasopamhaora; kala mukkā thāda kum shini khawo phāshai ngasakra; chieina mikumowui wungpam hi Reikhamataia ana mungda mikhangayili miya da matheiranglakha eina tangda shini shida vāfara.”

MATTHEW 26:15

hānga, “Ina ali nathumwui pāngli miakha, nathumna ili khi mirakhala?” Athumna lupā thumrā shānshoklaga ali mihaowa.

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

JOHN 12:31

Ara apuk-apagva̱li bichar sāki kaji atamna; kala apuk-apagva̱wui akhavāli khuishokhaora;

JOHN 13:3

Jishuna, Avāva̱na ot saikora awui pāngli horsangmihaira, kala a Varewui eina kharāna kala Varewuili vāluihaora kaji theida,

JOHN 14:30

Ina nathumli kasāngkha mangazekrarluimara, kachiwui vangkhala kaja okathui hiwui khamunga rārāda lei. Ana iwuitungli khikha masārarmara,

JOHN 16:11

bicharsakwui pongli jiakha, apug-apaga hiwui khamungali bichar sāhaira.

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

1 TIMOTHY 3:6

A sādhadhara Vareshi maningphalungmara, kaja khayāning nganinghaida chipeewui pāngli tāzanghaipai.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.