MATTHEW 4:8 - Kathara Bible (BSI)

⁸ Chipee china ali kaphung kajuiva̱ akhali khuikāluishita kala okathuili khalei wungram saikora chitheida chiwui tekhamatei ngashānyang ngasaka;

MATTHEW 4:8 Iomraidhean Croise

ESTHER 1:4

wungnaowui tekhamatei kashāng-kharei, kala awui ngam sākachithei zimiksho shākha hangchishatthangwui vang chithei.

ESTHER 5:11

Kala Hamanna awui kashang-kharei saikora athumli hāngchithei, anaomayara ngarāwui mashing, awungana ali pam kāngasakta awui wungnaobing kala raobingwuitungli kachipam saikora hāngchitheisera.

DANIEL 4:30

awungana hānga, “Iwui khangamkharei tekmatei khavai, iwui keinung hirikha kahaka Babylon hi iwui pangshap eina sākakhui maningmala?”

MISHĀN 23:3

Kala Balaamna Balakli hānga, “Nawui rikkatā kachigatwui ngalemli nganinglu, I thuihaoka, Prohona ili rāsamphanglapai; kala ili kachithei saikora chi ina nali hāngra.” Ana juikhamei apamli kai.

MATTHEW 16:26

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

MATTHEW 4:5

Chiwui thili chipee china kathara keinung chili khuivāda ali khorumshimwui khamato atonli kānganing ngasaka,

JOHN 5:20

Avāva̱na Anaomayarali leishihaoda awui kasāsā saikora chitheisera. Ana hili hakkhamei ot eina tangda ali chitheira, chieina nathum matakhakhaora.

1 PETER 1:24

kaja hithada kapihaida lei; “Phasā khavaia saikora khawo kathāna, athumwui tekhamatei awon kathāna, khawola ngahui kala awonla pa̱tai,

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”