MATTHEW 4:4 - Kathara Bible (BSI)

⁴ Kha Jishuna ngahānkai, “Hithada kapihaida lei, ‘Mina khamuimāng eina maringpaimana, kha Varewui khamor eina kashok tui kachiva̱ china ringki kajina.’”

MATTHEW 4:4 Iomraidhean Croise

SHONGZĀ 16:15

Israelnaobingna chi theilaga, “Hi khikhala?” da athum ngahān ngaroka. Kaja athumna chi khikhalada matheimana. Chieina Mosesna hānga, “Nathumna zākhavai Prohona khami khamui chi hina.

SHONGZĀ 16:35

Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai.

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

SHONGZĀ 23:15

Ina hāngkahai thāda khawok makazang khamui phanit sāra; hāngkahai thāda Abib kachāngwui atamli shinithang khawok makazang khamui shaira, kaja chiwui atamli nathumna Egyptwui eina shoka. Khipakha iwui mangāli pāng khamasai eina marāpaimara.

MATTHEW 15:11

khamorli kazang china mili makhao khangasak maningmana, kha khamorwui eina kashok china mili makhao khangasakna.”

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MATTHEW 4:7

Jishuna ngahānkai, “Hithadala kapihaida lei, ‘Nana Proho nawui Vareli masuiphalungmara.’”

MARK 7:20

Kala ana hānga, “Alungwui eina kashok china mili makhao khangasakna.

LUKE 4:12

Chieina Jishuna ngahānkai, “Hithada kapihaida lei, ‘Nana Proho nawui Vareli masuipaimara.’”

LUKE 4:4

Chieina Jishuna ngahānkai, “Hithada kapihaida lei; ‘Mina khamuimāng eina maringmana.’”

LUKE 4:8

Chieina Jishuna ngahānkai, “Hithada kapihaida lei, ‘Nana Proho nawui Varemāngli khorumra, kala amāngli otram ngatha̱ra.’”

JOHN 15:26

Kha Avāwui eina kashoka khamashungwui Manglā, Avāva̱wui eina ina nathumli chihorāki kaji Machinme kharā tharan, ana iwui vang shākhi mira;

JOHN 6:63

Manglā china kharing chi khamina, asā hiya aremana; ina nathumli hāngkahai tui chi manglā kala kharingana.

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

EPHESIANAO 6:17

Kala huikhami chi raikuihon thada ngahonlu, kala Varewui tui chi Manglāna nathumli khami raighai thada singlu.

KHALATLUI 8:3

Kala ana nathumli wuklung nemngasaka kala nathumli thaingasakta manna mizai, chiya navā ngarāna kala nathumna khikhala kaji makatheina; kaja mina kashakazāmāng eina kharing maningmana kaji ana nathumli theikhui ngasak khavaina, kha Prohowui khamor eina matuikashok tui eina kharingna kaji chithei khavaina.