MATTHEW 4:24 - Kathara Bible (BSI)

²⁴ Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 4:24 Iomraidhean Croise

2 SAMUEL 8:6

Chieina Davidna Damascuswui Aramli raimi chipamhaowa; kala Syrianaobingla Davidwui rao sathuihaida shai chigata. Kala Davidna khavāpam kachida Prohona yuingasaka.

1 WUNGNAOBING 10:1

Chitharan Shebawui awungva̱na Solomonwui aming kazat kala ana Proholi khangavapwui pongli shāuda kasasaka tui atamyanga.

1 WUNGNAOBING 4:31

Kaja ana Ezrawui Ethanlila kala Maholwui naomayara Heman, Calcol, kala Darda athum saikoralila ana thangmameikhara; kala awui aming kazat yur saikorali ngayaovai.

1 THOTRINCHĀN 14:17

Davidwui mingkhamayāng ngalei saikorali vāshunga, kala Prohona yur saikorawui ningli ngachee khavai sangmi.

1 THOTRINCHĀN 29:2

Chiwui vang iwui kashap eina tangda ngarānsang kahaina; sinā otwui vang sinā, lupāsā otwui vang lupāsā, pithrai otwui vang pithraisā, mari otwui vang marisā, thing otwui vang thing, chili lāngda onyx eina ngalung aman kasaka kachungkha kala yeksang khavai antimony machu khalei aman kasaka ngalungyur kachungkha kala marbleyur ngarānsanghaida lei.

SHONGZĀ 15:26

hānga, “Nathumna ningasharlak eina Proho nathumwui Varewui akhon nganaakha, kala awui mikyanli khamashung ot chi saakha, kala awui ningkhami, kala shiyan chikan saikora mayonakha, ina Egyptnaobingli khami kazāt katha chi nathumwuitungli akhala marāngasakmara; kaja nathumli raikhame Proho chi ina.”

MATTHEW 12:22

Chiwui thili kameo zangda mik ngapeo kahai kala khak ngasha̱ kahai mi akhali Jishuwuili khuirai kala ana ali raimi. Chieina mipā chi matuipaihaowa kala theihaowa.

MATTHEW 14:1

Atam chitharan khamunga Herodna Jishuwui mingzat chi shai;

MATTHEW 15:22

Kala yanglu, ngalei chili kapāna Canaanwui sha̱nao akha awuili rāda, “He Amei, Davidwui Naomayara, ili khalumashanmilu; inao ngalāva̱li kameo zanghaida marlak eina kazāda leili.”

MATTHEW 17:15

“Ojā, inaomayarali khalumashanmilu, kaja a zingmeirai kakazā mina kala zakshilak eina kazāda meilila, tara̱lila tāzangzang jichinghaowa.

MATTHEW 17:18

Jishuna kameo chili kakaso eina kameo chi shokhaowa kala naoshinaopā chi ngalāngda raihaowa.

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MATTHEW 8:28

Chiwui thili Jishuna lākhavāk kānkālaga Gadarea kaho ngalei chili vākashung tharan kameo kazanga mi khani chikhurpamwui eina shokta ali rāngaroka. Ani sāshilakhaoda mi khipākha shongfa chili mazatlengmana.

MATTHEW 8:33

Hok kahombing china keinungli ngasamunglaga kashok otshot saikora kala kameo kazanga khani chili khi shokhaokhala kaji unghāngchithei.

MATTHEW 8:6

“Amei, iwui rao akha phasā ngakaida thihailaga marlak eina kazāda shimli pida lei.”

MATTHEW 9:26

Pao hi ngalei chiwui apam hupta ngayaovai.

MATTHEW 9:35

Jishuna keinung kala kha̱ kachivali vāda athumwui synagogueli tamchithei kala wungramwui paokaphā hāshoka kala kazātyur kala kazāt kachiva̱ raimi.

MARK 1:28

Chieina awui sākashap chānpao chi Galileeli khalei apam kachiva̱li ngalāngda ngayaohaowa.

MARK 1:32

Chithang ngazin zingtunlam mibingna kakazānaobing eina kameo kazangbing Jishuwuili khuirai.

MARK 2:3

Kala sheikasha̱ mi akhali mi matina ngava̱rai.

MARK 2:4

Mi chungnāhaida awui ngalemli mazangpaithuda, athumna shimtung lānphutlaga akhur chiwui eina kakazā mipa chili pet eina phonda chihotai.

MARK 2:9

Sheikasha̱pali ‘Nawui morei pheomihaira’ kaji paimeika ‘Ngakarthuida nawui pet khuiphungda zatulu’ kaji paimeikhala?

LUKE 2:2

Hi mishān kharena; kala chitharan Quiriniusna Syriawui governor sāsai.

LUKE 4:14

Chiwui thili Jishuna Manglā Katharawui pangshap eina Galileeli latunga kala chiwui kuikhamarelili khalei apam saikorali awui ming ngayaovāserhaowa.

LUKE 4:38

Jishuna ngakarthuida Synagoguewui eina shoklaga Simonwui shimli vai. Chitharan Simonwui aniva̱ kharurda leisai.

LUKE 5:15

Jishuwui pongli mataimeikharda pao ngayaovāhaoda awui tui nganā khavai kala athumwui kakazā raikhui khavai mi kachungkha rākazipa.

LUKE 5:24

Kha okathuili miwui Naomayarana morei pheomi khavai pangshap lei da nathumna theikhavaina.” Chieina ana sheikasha̱ chili hānga, “Ina nali kahāngna, ngakarthuilu, nawui pet khuiphungda shimli ungulu.”

LUKE 7:17

Awui pao chi Judea ngalei eina chiwui kuikhamareili khalei apam saikorali ngayaovāserhaowa.

JOHN 10:21

Kha kaikhana hānga, “Chipee kazanga mi akhana hithada mamatuimara, chipeena mik khangapeopawui mik rakngasakpairala?”

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 15:23

kala chithi chi hithada kapilaga anili sangmida chihovai: “Paokazatbing ararnaobing kala navānaobingna Antioch, Syria kala Ciliciali khalei shitkasanga Gentilebingli shālam mili.

OTSAK 15:41

Ana Syria eina Cilicia ngaleili vālaga churchbingli pangsang ngasaka.

OTSAK 28:9

Hi kashok eina yikuiramli khalei kakazānao saikora rāda raimisera.

OTSAK 8:7

Mi kachungkhawui eina makathar manglāna panglāk eina vaolaga shoka kala sheikasha̱ kala pheikatekbinglila raimi.

JOSHUA 6:27

Hithāda Prohona Joshuali ngasomi; chieina ngalei katongali awui ming zatlakhaowa.