MATTHEW 4:16 - Kathara Bible (BSI)

¹⁶ Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

MATTHEW 4:16 Iomraidhean Croise

JOBWUI LAIRIK 10:22

tangkhamanga pa̱khangapā apam, kahorla tangkhamang kathā ram chili.

JOBWUI LAIRIK 3:5

Kazingkashi kala tangkhamangna khuihaoranu, Muiyāna chiwuitungli ngapānphinranu; ngashunwui tangkhamangna ngachee ngasakranu.

JOBWUI LAIRIK 34:22

Makaphākasā mina athum khalatta ngathum khavai khangami kala tangmangting kahai maleimana.

LAA 44:19

chithālala ramfawui pamli ithumli nana sākachupta, kathuka tangkhamang eina ithumli farorhaira.

ISAIAH 9:1

Kha sipkasāwui alungli leikasāpa̱vawui vang matangmangluimara. Khare kachāng Zebulun eina Naphtali ngaleili yonhaira da ana khuisai, kha khanaowui atamli shamadruwui apong Jordan kānda khalei miyurbingwui Galilee chi tekmatei ngasakra.

ISAIAH 9:2

Tangkhamangli zatkasābingna kahaka kahor akha theihaira; tangmangting kahai ramli okthuikasabing, athumwuitungli kahor hormihaira.

JEREMIAH 13:16

Nathumwui Proho Vareli sochikatlu; ana tangkhamang makhuirāranglakha, māmāchākahai phungreibingli phei mangaphokranglakha; nathumna kahor phāzatlakha ana chi tangmang ngasakra kala tangmangting ngasakhaora.

AMOS 5:8

Pleiades eina Orionli sākakhuia, kala tangmangting kahai chi ngathor onkhangasaka, kala ngashun chi ngayā onkhangasaka, shamadruwui tara̱ khuilaga ngalei kathengli rotā khangasaka, Proho chi awui mingna,

MICAH 7:8

O iwui yangkashe, iwuitungli mamathānalu; ina kongluilala ngakarthuiluira; Ina tangkhamangli kapam tharan, Prohona iwui kahor ngasāra.

LUKE 2:32

Hi nawui kaphaning Gentilebingli phongshokmi khavai kahorna, kala nawui miyur Israel tekmatei khavaina.”