MATTHEW 4:12 - Kathara Bible (BSI)

¹² Chiwui thili Johnli tukthuihaira kaji Jishuna kashā eina Galileevāk vāhaowa.

MATTHEW 4:12 Iomraidhean Croise

MATTHEW 11:2

Chitharan Johnna phātopli leilakha Khristawui otsak saikora kashā eina awui sākhangatha̱ kaikhali chihovada

MATTHEW 14:3

Kaja Herodna agato Philipwui apreiva̱ Herodiaswui vang eina Johnli tukkhuida khalaphailaga phātopli sanghaisai;

MARK 1:14

Johnli tukthui kahaiwui thili Jishuna Galileeli vāda Varewui Paokaphā hashokta hānga,

MARK 6:17

Kaja Herodna agato Philip preiva̱ Herodiasli ngakum kahaiwui vang Johnli tukkhui khavai a khalattana kasoi kala khalaplaga phātopli sanghai.

LUKE 23:5

Kha athumna pangmeida hānga, “Awui tamkachithei china Judea ngalei katongali pa̱ngapā ngasakhaira. Hi ana Galileewui eina haophoklaga ara hilila rāshunghaira.”

LUKE 3:20

Herodna makaphātungli makaphā ngarorda Johnli phātop sanghaowa.

LUKE 4:14

Chiwui thili Jishuna Manglā Katharawui pangshap eina Galileeli latunga kala chiwui kuikhamarelili khalei apam saikorali awui ming ngayaovāserhaowa.

LUKE 4:31

Chiwui thili ana Galileewui keinung Capernaumshong tāda sabbaththang athumli tamchithei.

JOHN 1:43

Akhama kathā Jishuna Galileeli vākhavai ngarāna, kala ana Philipli samphangda hānga, “Ithi shurlu.”

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

JOHN 3:24

Kaja John phātopli mazangrangsai.

JOHN 4:43

Khanithangwui thili Jishuna Galileeli vāhaowa.

JOHN 4:54

Jishuna Judeawui eina Galileeli kharā tharan machut kachithei hina kakhanena.