MATTHEW 4:1 - Kathara Bible (BSI)

¹ Chiwui thili Manglāna Jishuli chipeena suikhavai lamhāngli thānvai.

MATTHEW 4:1 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

1 WUNGNAOBING 18:12

I unghai khaleoda Prohowui manglāna nali khuithuihaikha na khaleipam ina matheimara; chieina Ahabli ungkahāng chitharan na maleisaakha, ina nganuilakha eina thuida Proholi ngacheelala, ana ili sāthathaora,

2 WUNGNAOBING 2:16

Athumna hānga, “Yanglu, ara naraobingli ngasoda kapanga mi hangphangā leili; athumna vāda nawui akhavāli aphāyangranu; kaja Prohowui Manglāna ali khuithuihailaga kaphungli nilala, tampākli nilala apam akhali horsanghaida leilapai.” Ana hānga, “Machihovāpaimara.”

EZEKIEL 11:1

Manglā china ili khangkālaga Prohowui shimwui zingshoshong ngareikashoka zingsho ngaveili khuivai. Kala yanglu, ngaveiwui khāmongli mi maga̱da phangā leisai; athumwui ngachaili, mibingwui wungnao, Azzurwui naomayara Ja-azaniah eina Benaiahwui naomayara Pelatiah zangsai.

EZEKIEL 11:24

Kala Varewui Manglāna mahākhamiwui eina Manglā china ili raithā kahaibingwui kapampam Chaldea ngaleili khuivāmi. Kala ina kathei khamahā chi iwui eina atungshong kāhaowa.

EZEKIEL 3:12

Chiwui thili Manglā china ili khāngkāhaowa, kala Prohowui tekhamatei chi apam chiwui eina kāmamān kaji eina, iwui khanukshong neina̱ kakhanukwui khon shai;

EZEKIEL 3:14

Manglā china ili khāngkāda khuithuihaowa, kala iwuitungli Prohowui kapanga pāngkaparwui vangna ining chotlakhaowa;

EZEKIEL 40:2

kala ili Varewui mahākhamili Israel ngaleili khuivāda kaphung kajuiva̱ akhali achipama, chili keinung kathā akha ili kāroda thei.

EZEKIEL 43:5

Manglā china ili khāngkhuida alungwui kayāngli khuivai; kala yanglu, Prohowui tekhamatei china khorumshim chi pemtinghaowa.

EZEKIEL 8:3

Ana mipāng thāda katingrālaga ikui samsa̱li singkhui; kala Manglā china ili okathui eina kazingwui ngachaili khangkāhaowa kala Varewui mahākhami chili ili Jerusalemli, atungshong ngarei kashanga ngavei zangkhavai; kaja, mikpaishi khangasakawui mikpaikashe mima̱wui pamkhong khaleipam chili khuivāmi.

JOHN 14:30

Ina nathumli kasāngkha mangazekrarluimara, kachiwui vangkhala kaja okathui hiwui khamunga rārāda lei. Ana iwuitungli khikha masārarmara,

OTSAK 8:39

Anina tara̱wui eina kashok tharan kashuirak eina Prohowui Manglāna Philipli khuithuihaowa, kala ahonga china Philipli matheiluithuwa, kha awui vāki kajipamli ringphālak eina thuihaowa.

ROMNAO 8:14

Varewui Manglāna thankhami athum saikora Varewui naongarāna.

HEBREWNAO 2:18

Alila suida kakhanang samphang kahaiwui vang, ara kasui samphangda khaleibing chili ana ngachonmira.

JAMES 1:14

Kha khalattawui ningkachāngli kazat tharan ali kasuina.