MATTHEW 3:6 - Kathara Bible (BSI)

⁶ Athumna athumwui morei hāngphatta ana athumli Jordan kongli ra̱hikmi.

MATTHEW 3:6 Iomraidhean Croise

EZRA 10:1

Ezrana Khorumshimli ngaleokazamlaga chapsasui ning ngateida leilakha Israelwui mibing khararnaosan kachungkha awui ngalemli rākazipa; kaja mibingna panglāk eina chapngachāhaowa.

LAA 32:5

Nawui mangāli iwui morei sākahai I mayai, kala iwui khayonkhamāng mathumhaimana; “Proholi iwui khayonkhamāng hāngphatra” da ina hānga; chieina nana iwui khayon morei pheomi.

CHĀNSAM 28:13

Khalattawui morei ngathum kahai mina mamataisangngayaomana, kha hāngphatta chiho kahaibingna lukhamashan samphanga.

EZEKIEL 36:25

Ina tara̱ khamathing nali kasirrorda nathumwui makhaokasā chi tharserhaora, meoma̱ phaningkasāwui eina ina tharmihaora.

DANIEL 9:4

Iwui Proho Vareli ina seihā kasā eina ngasoda ning ngateida hāngphata, “O Proho, hakkhamahā khangachee-khangachā Varivara! Nawui kahāng nganāda ningkhami khamayona kala nali leikashebingli khangachei maleila mayonkhame,

PĀNGMONSHI 16:21

kala Aaronna apāng khanini mekuili parhaida, Israelnaowui makaphā saikora, khayonkhamāng sākahai, kala moreibing saikora hāngphatra; hāngphatta saikora chi mekuili phungngasakra, kala ngaranping kahai mi akhawui pāngli horsangmida ana me chi lamhāngli vachihohaora.

PĀNGMONSHI 26:40

“Kha athumwui morei hāngphatta, kala avāva̱ ngarāwui khayonkhamāng kala mahengkasangwui vang kala iwui zatngasak khangaili makazat,

MISHĀN 5:7

ana morei sākahai chi ana hāngphatra; kala ana sāyon kahai chiwui aman peida mira, khum kaphangāla mataisangda ana sayon kahai mipa chili mira.

MATTHEW 3:11

Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

MARK 1:5

Judea ngaleili kala Jerusalem keinungli khalei mi kachungkha rāda athumwui morei hangphata. Chieina athumli Jordan kongli ra̱hikmi.

LUKE 1:16

Israelnao kachungkhali ana athumwui Proho Vareli latung ngasakra.

LUKE 3:16

Johnna athum saikorali hānga, “Ina nathumli tara̱ eina ra̱hikmi kha ili reikhamei a chi rārāli, I awui pheihop khara̱ eina tangda khalāmikida matik machāmana. Ana nathumli Manglā Kathara kala Mei eina ra̱hikmira.

OTSAK 1:5

kaja Johnna tara̱ eina ra̱hikmi kha ara masāngla nathumli Manglā Kathara eina ra̱hikmira.”

OTSAK 11:16

Chieina ‘Johnna tara̱ eina ra̱hikmi, kha nathumli Manglā Kathara eina ra̱hikmira’ da Prohona hāngkahai chi ina phaningunga.

OTSAK 19:18

Shitkasanga mi kachungkha rāda athumna sākahai yārui mangāli hāngphata.

OTSAK 22:16

Chiwui vang eina khi ngarainganaosāra? Ngakarthuida ra̱hikhaolu kala awuili zangda nawui morei pheohaolu.’

1 CORINTHNAO 10:2

Athum saikora Moseswui thikashura sāda muiyā eina ngayilungli ra̱hika.

COLOSSIANAO 2:12

Kaja nathumli ra̱hikkhami tharan nathum Khristali ngasoda chifarum kahaina, kala ali kathiwui eina ringkhangasaka sāshapa Vareli shitkasang mangā eina ra̱kahikwui otsak hieina nathumla Khristali ngasoda ringshokrumhaira.

HEBREWNAO 6:2

Ra̱kahik, pāng khāngkāda sokhami, kathiwui eina ringkhangasaka kala katang makhavai bichar hikathā tamkachithei himāngli maleichingsa.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

JAMES 5:16

Chiwui vang eina kakazā raikhavai, akha eina akha morei hangphat ngaroklu, kala akhana akhawui vang seihā sāmilu. Khamashunga miwui seihā kasā ungshunglaka.

JOSHUA 7:19

Chieina Joshuana Achanli hānga, “inaomayara, Israelwui Proho Vareli tekmatei ngasaklu, kala ali masotmilu; ara nana khi sāhaokhala kaji ili hānglu; iwui eina mathumhailu.”

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 JOHN 1:9

Kha ithumna ithumwui morei Vareli hāngphatakha ana awui tuingashit chi makaimara, kala mashun chi sāmira: ithumwui moreila pheomida khayon sākahai saikorawui eina ana tharmira.