MATTHEW 3:3 - Kathara Bible (BSI)

³ John hi Isaiah marānna hānghaikasā; “Kachikathāna lamhāngli vaozata, ‘Prohowui shongfa ngarānlu, awui apong ngatar ngasaklu’” kaji china.

MATTHEW 3:3 Iomraidhean Croise

ISAIAH 40:3

Akhon akhana vaowa: “Lamhāngli Prohowui shongfa ngarānlu, siwukli Varewui chānrei ngatar ngasaklu.

MALACHI 3:1

Yanglu, iwui vang shongfa khangarān sākhavai iwui paome rida chiholi, kala nathumna phāda khalei Proho chi kashuirak eina awui khorumshimli rāra; nathumna ningyāngkhaunga tuingashitwui paome chi, yanglu, a rārāli, da saikorawui Prohona hānga.

MARK 1:3

Kachikathāna lamhāngli vaozatta lei: Prohowui shongfa ngarānlu; awui apong ngatar ngasaklu.”

LUKE 1:17

Marān Elijahwui thada pangshap leilak eina kala hakmahālak eina zatra; ana avāva̱ eina naongarābingwui ning ngarum ngasakra, kala kahāng makhanganābingli mashun thangmei chili latung ngasakra kala Prohowui mibingli awuivang ngaranpinghaisā ngasakra.”

LUKE 1:76

“Chieina inao, nali Juikhamataiya Varewui marān hora, kaja awui shongfa ngarānmi khavai nana Proholi rida zatra,

JOHN 1:23

Ana Isaiah marānwui tui eina hithada hānga, “Prohowui shongfa ngatar ngasaklu da lamhāngli vaokazat akhon chi ina”