MATTHEW 3:2 - Kathara Bible (BSI)

² “Ningngateilu, kaja kazing wungram nganaishunhaira.”

MATTHEW 3:2 Iomraidhean Croise

1 WUNGNAOBING 8:47

athumna narkahaipamli ning ngateida poda, ‘Ithumna makaphā kala masākhangayi ot sāda morei sāhaira’ jiakha;

JOBWUI LAIRIK 39:12

A latungluira kala nawui ranpumli māthei phungungmira da shitsangla?

JOBWUI LAIRIK 42:6

chiwui vang I khalatta ningkachaiya, kala chifa eina hotlālungli ining ngateili.”

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

MATTHEW 10:7

Kala nathumna khavāvāli pao hāshokta ‘Kazing wungram chi nganaihaira’ da hānglu.

MATTHEW 11:20

Chiwui thili Jishuna matakhak kahai ot tarākha sākahai keinungbing china moreiwui eina ning mangateila ningmaongtong kahaiwui vang ana saklak eina kahara;

MATTHEW 12:41

Bichar sāthanghon Ninevehwui mibingna mithot hili ngasoda ngakarthuira kala nathumli athumna khayon phenra. Khiwui vangkhala kaja Jonahn pao hākashok eina athumna ning ngateihaowa kala yanglu, Jonahli reikhameia kachikatha akha hili leili.

MATTHEW 13:11

Chieina ana athumli ngahānkai. “Nathumli kazing wungramwui ngathum kahai chi thei khavai mihaira, kha athumli chi mamimana.

MATTHEW 13:24

Khangatei chānjam akhala athumli hāngchithei; “Kazing wungram hiya mi akhana awui luili athā khamathā yaosang kahai eina chānjam sāpai,

MATTHEW 13:31

Khangatei chānjam akhala athumli hāngchithei. “Kazing wungram hiya mi akhana kayānghanthā khuilaga awui luili yaosang kahai kathāna.

MATTHEW 13:33

Ana khangatei chānjam akha hāngchithei: “Kazing wungram hiya sha̱nao akhana khawok ari khuilaga mathir luk kathumkhali manātlaga makapchungranglakha eina tangda thumkahai kathāna.”

MATTHEW 13:47

“Latluida, kazing wungram chiya shamadruli khaihlan horsanglaga khai ayur kachiva̱ phākakhui kathāna.

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 18:23

Chiwui vang eina kazing wungram hiya awunga akhana awui raobingwui hishap tharkhuikhangai chili ngaheopai.

MATTHEW 20:1

“Kaja kazing wungram chiya shimva̱na awui yāmguili ot sākhavai ngathorthakva̱ ngalangkaphei mi phākazat kathāna.

MATTHEW 22:2

hānga, “Kazing wungram chi awunga akhana anaomayarawui shakzāt zātkhān akha khamili chānjam sapai,

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 25:1

“Kazing wungram chiya thaomei singlaga mākakhāmali samphang khavai khavā ngalā tharāli ngaheopai.

MATTHEW 25:14

“Kaja mi akha kha̱ram vauki kaji eina awui raobingli hokhuilaga awui khalalei lan athumwui pāngli horsangmi kahai kathāna;

MATTHEW 4:17

Atam chiwui eina thuida Jishuna pao hāshokphokta hānga, “Ningngateilu, kaja kazing wungram nganaishunhaira.”

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MATTHEW 5:10

Khamashung khangarongwui vang rekharek kahaibing chi sokhamina, khikhalajila kazing wungram chi athumwui ngasāra!

MATTHEW 5:3

“Manglāli kachāmbing chi sokhamina, khikhalajila kazing wungram chi athumwuina!

MATTHEW 6:10

Nawui wungram rāshungmilu; Kazingramli khavai thada, Okathuilila nawui ning eina vaimilu.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

MARK 1:15

“Retkahai atam chi rāhaira, kala Varewui wungram nganaishunhaira. Ningngateilu kala paokaphā chili shitsanglu.”

MARK 1:4

Chieina Ra̱hikme Johnna lamhāngli vai kala ningngateida morei pheomi khavaiwui pao hāshokta ra̱hikmi.

MARK 6:12

Chieina athumna vāda ningngatei khavai pao hāshoka.

LUKE 1:16

Israelnao kachungkhali ana athumwui Proho Vareli latung ngasakra.

LUKE 11:20

Kha Ina Varewui pangshap eina chipee kashamshokakha Varewui wungram chi nathumwuili rāshunghaira.

LUKE 13:3

Maningphutmana! Ina nathumli kahāngna, nathumla ning mangateiakha chithada shimānra.

LUKE 13:5

Maningphutmana! Ina kahāngna kaja nathumla ning mangateiakha chithada shimānra.”

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 16:30

Chieina ana ngahānkai. ‘Maningmana avā Abraham, kachikathā akhana kathiwui eina unglaga athumli unghāngakha ning ngateira.’

LUKE 21:31

Chithada sāda nathumna otshotbing shokkaphok tharan Vare wungram nganaiura da theira.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 6:20

Jishuna awui sākhangatha̱bingli yangvāda hānga, “Kachāmbing sokhami ngasāranu, kaja Vare wungram chi nathumwuina.

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 17:30

Achālakha matheithangkhameiwui vang Varena yangkateomisai, kha apam kachiva̱li khalei mikumo saikorali ningngatei khavai ana kasoi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

2 CORINTHNAO 7:10

Varewui eina kharā malungkharing china huikhami samphang khavai ningli khangachei khuirai kala ningkakatat maleimana, kha okathuiwui ningkachotna thingasaka.

COLOSSIANAO 1:13

Ana tangkhamangwui eina ithumli kanshokmida awui khaluma Naomayarawui wungramli khuiungmihaira.

2 TIMOTHY 2:25

Yangkashebingli kaphā eina mashungkakhui ngasāphalungra. Chithākha Varena athumli ningngatei ngasakta khamashung theikhui ngasakpai.

HEBREWNAO 6:1

Khristawui pongli theiphokdhadhar kajiwui arah chi horhailaga kāshungmei khavai sausa. Kathe otsakbingwui eina ningkhangatei kala Vareli shitkasang haokaphokwui shimphung chili singtitta maleichingsa.

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.

PHONGKHAMI 2:21

Ning ngatei khavai ina ali atam mihaira, kha ana shām kasāwui eina ning mangateingaithuwa.

PHONGKHAMI 2:5

Kachiwui eina na tātunghaokhala da phaningyanglu; laga ningngateida kharewui sākasā thada sālu. Nawui moreiwui eina ning mangateiakha ina nali rāda nawui thaomeishong chi awui apamwui eina rākhuithuihaora.