MATTHEW 3:16 - Kathara Bible (BSI)

¹⁶ Jishuli ra̱hikmihailaga tara̱wui eina shokkhaleoda yanglu, kazingram shoda Varewui Manglā chi nasha̱ thada awuitungli tākapa̱ chi ana thei.

MATTHEW 3:16 Iomraidhean Croise

ISAIAH 11:2

Kala Prohowui Manglāna awuitungli ngasāmra, manglā chi thangkhamei eina theishingkakhuiwui manglāna; machinkhami eina pangshapwui manglāna, awor eina Proholi khangacheewui manglāna.

ISAIAH 42:1

Yanglu, ina pangkhangasaka iwui rao, ina kapangkakhua, iningna kapena; ina iwui Manglā ali sangmihaira; yurbingli ana mashun khuirāmira

ISAIAH 59:21

“Iwui vanga, hi athumli ina tuingashit kasāna da Prohona hānga: nathumwuili khalei imanglā, kala nathumwui khamorli sangmi kahai iwui tui chi nathum khamorwui eina mapākthuimara, nanao ngarāwui khamorwui einala kala nanao naongarāwui naongarāwui khamor einala, aja eina thuilaga khanao eina tangda mapākthuimara da Prohona hānga”.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

EZEKIEL 1:1

Kathumra kākashung kum, khamate kachang chiwui zimiksho kaphangāthang, raithā kahaibingli ngasoda ina Chebar kong ngalemli leilakha, kazingram khāmong shohaida, Varena mahākhami ina thei.

MARK 1:10

Ana tara̱wui eina kashok tharan hengsāda kazingram shokahai kala Manglāna nāsha̱ thada awuitungli tākapa̱ thei,

JOHN 1:51

Kala Jishuna athumli hānga, “Kachangkhat eina ina nathumli kahāngna, nathumna kazingram shokahai theira, kala Varewui kazingraobingna miwui Naomayarawuitungli kakā katung theira.”

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

OTSAK 1:22

Johnna ra̱hikkhamiwui ot sākaphok eina thuilaga Proholi khuikakā eina tangda chiwui alungli kazangabingwui ngachaili akhana ithumli ngasoda ringkhaluiwui pongli shākhi sāphalungra.”

OTSAK 7:56

ana hānga, “Yanglu, kazingram shohaida miwui Naomayarana Varewui yāshong nganingda khalei ina thei.”

1 JOHN 5:6

Ra̱kahikwui tara̱ eina kathiwui ashee ngasoda kharā chi Jishu Khristana. Ana tara̱māng eina marāmana, kha tara̱ eina ashee khanini ngasoda rai,