MATTHEW 3:12 - Kathara Bible (BSI)

¹² Awui pāngli yāmkok lei kala lanpumli khalei mā hurmathākhuida kapanga mā chi chumli kazipkhuira, kha ahikbing chi mashimitkapai meilungli riktāhaora.

MATTHEW 3:12 Iomraidhean Croise

JOBWUI LAIRIK 21:18

Athum chi masiwui mangāli lanji kathā, kala ahik siphanna phanthui kahai kathāla?

LAA 1:4

Kha makaphaabinga chi mathāmana; athuma masina phanthui kahai lanji kathāna.

LAA 35:5

Māhik masili phankathui thāda Prohowui kazingraobingna athumli kashamhaoranu!

ISAIAH 1:31

Kala kapanga chi khara̱rong ngasāhaora, awui otsak meipā thāra; kala khanini chuirumda sāshimitmi khavai khipakha maleisamara.

ISAIAH 17:13

Yurbingna tara̱ khangaphaowui kakhanang thāda ngashuma, kha ana athumli khararra, kala athumna yāmserhaora, masina phungreitungli lanji phankathui thāda, kala siphanna chifa-chihā khaningkathui thāda ana athumli kashama.

ISAIAH 27:4

I malung mavātluimana. Ka̱shāt-karengli rai sāki kajisi kaja! I athumli ngasungra, ina athumli meili riktāhaora.

ISAIAH 28:28

Mina mā amathir thāda ngataila? Ana mangaposhonmana; sigui eina siguigari kātaklala akha̱ masāngasakmana.

ISAIAH 30:24

luikhavā sei kala gadhābingna, kārphang eina samathākharik kahai, machi kazanga zāt zara.

ISAIAH 41:16

nana mā thāda athumli hamra kala masina athumli phungthuihaora, kala siphan zingrotna athumli ngapha̱yāng ngasakhaora; kala nathumna Proholi mathānra; Israelwui Kathara chili nathumna sochikatra.

ISAIAH 5:24

Meiwonna mafakung chuikatā thāda, kala khawo katheng meili kashimān thāda, athumwui angayung shuihaora, athumwui awon chifa sāthuihaora, kaja athumna saikorawui Prohowui ain makhuisangmana, kala Israelwui Katharapawui tuili ningkachaihaowa.

ISAIAH 66:24

“Kala athumna vāda ili ngakaikashe mibingwui kathingun chi ayangra; kaja athumwui kachai mathimara, athumwui mei mamitmara kala athum chi asā khavai saikorawui ningkakachaiya ngasāra.”

JEREMIAH 15:7

Hamkhavai yāmkok eina ina ngalei chiwui ngaveilungli hamserhaira; iwui mibingli shimān ngasakta sifa khangasakna; athumna athumwui apongwui eina mahanungmana.

JEREMIAH 17:27

Kha nathumna sabbath tharda mayon khavai iwui tui manganaakha, kala Jerusalemwui ngaveili sabbaththang ot kharit phungzangakha, ina ngaveili mei thotlaga Jerusalemwui konung saikora chuitā ngasakra kala sāshimitlala makhuimara.’”

JEREMIAH 4:11

Atam chitharan, mibing eina Jerusalemli hithāda hāngra, siwukwui kajuia khangaiwui eina kasā masi iwui mibingwui nao ngalāva̱wuishong phanrāhaira; hamkhavai lah sāmathā khavai riri kaphan maningmana,

JEREMIAH 51:2

Kakhanang atamli ari-arāp kachiva̱wui eina athumna ali mamayāngaimada kharā tharan, Ina Babylonli mā kahambing chihovāra, kala athumna ali hamra, kala athumna awui ram masaimihaora.

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

HOSEA 13:3

Chiwui vang eina athum ngathorshongwui leichui kathā ngasāhaora, lah ngalāngda thengkahai ikra̱ kathā ngasāra, lanpumwui eina phanthui kahai lanji kathāna, kala charfawui meikhut kathāna.

AMOS 9:9

“Kaja yanglu, ina kasora, kala yur saikorawui alungli Israelwui shimkhurli khanukra, sikhavai khavai eina khanuklala, lungguinao akha eina tangda ngaleili matātungmara.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MATTHEW 13:30

Māhā marāranglakha eina tangda khanini chi phorrumsāranu; māhā atamli kahātbingli rāmanbing chi meili riktā khavai rida hātlaga vamvam eina tankhuilu kha mā chiya iwui chumli hailu’ da ina hāngnaora.”

MATTHEW 13:41

Mibingli morei kala makaphā makhayā sakhangasaka athumli wungramwui ayarli kazipkhui khavai miwui Naomayarana awui kazingraobing shivātra,

MATTHEW 13:42

kala athumli meifalungli horsanghaora. Chili athum kachapla chapra kala ahāla tarira.

MATTHEW 13:43

Chiwui thili khamashung khangarongbingna athumwui Avāwui wungramli zimik thada horra. Shākhavai khanā kakā a china shākhuiranu!

LUKE 3:16

Johnna athum saikorali hānga, “Ina nathumli tara̱ eina ra̱hikmi kha ili reikhamei a chi rārāli, I awui pheihop khara̱ eina tangda khalāmikida matik machāmana. Ana nathumli Manglā Kathara kala Mei eina ra̱hikmira.

LUKE 3:17

Lanpumwui mā chi heikhui khavai kala kapanga mā chi kazipkhuida chumli haikhavai yāmkok chi awui pāngli lei, kha ana ahikbing chi masāshimitkapai meilungli chithothaora.”

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.