MATTHEW 3:11 - Kathara Bible (BSI)

¹¹ Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

MATTHEW 3:11 Iomraidhean Croise

ISAIAH 4:4

Zionwui naongalava̱ ngarāwui khamakhao Prohona sāmathāmida Jerusalemwui alungli ashee neokatot kahai chi, bicharwui manglā kala kachuiawui manglāna tharmihaida athumli kathara hora.

ISAIAH 44:3

“Khikhalajila ra̱kachangpamli ina tara̱ heirorra, ngalei kathengli kong longmira; nawui atheili iwui Manglā heirorra, nawui ara̱-azāli iwui sokhami tāshungmira.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

MATTHEW 3:6

Athumna athumwui morei hāngphatta ana athumli Jordan kongli ra̱hikmi.

MARK 1:4

Chieina Ra̱hikme Johnna lamhāngli vai kala ningngateida morei pheomi khavaiwui pao hāshokta ra̱hikmi.

LUKE 1:17

Marān Elijahwui thada pangshap leilak eina kala hakmahālak eina zatra; ana avāva̱ eina naongarābingwui ning ngarum ngasakra, kala kahāng makhanganābingli mashun thangmei chili latung ngasakra kala Prohowui mibingli awuivang ngaranpinghaisā ngasakra.”

LUKE 3:16

Johnna athum saikorali hānga, “Ina nathumli tara̱ eina ra̱hikmi kha ili reikhamei a chi rārāli, I awui pheihop khara̱ eina tangda khalāmikida matik machāmana. Ana nathumli Manglā Kathara kala Mei eina ra̱hikmira.

LUKE 3:3

Chieina Jordanwui kuikhamareili khalei apam saikorali vāda morei pheomi khavai ningngateida ra̱hiklu da pao hāshoka.

JOHN 1:15

Johnna awui pongli shākhi mida vaoda hānga, “‘Iwui thili rāki kaje mipa china ili reimei, kaja ava ili rida leihairakasāna’ da ina kahāng mipa chi hina.”

JOHN 1:30

‘Iwui thili akha rārāli, ava ili reimei, khikhalajila ava ili rida leihaira kasāna’ da ina kahānga chi hipāna.

OTSAK 1:5

kaja Johnna tara̱ eina ra̱hikmi kha ara masāngla nathumli Manglā Kathara eina ra̱hikmira.”

OTSAK 19:4

Paulna hānga, “Johnva mibingli awui thili rāki kaje Jishuli shitsang khavai hānglaga ning khangateiwui ra̱hikkhamimaya.”

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

OTSAK 8:38

Kala ana siguigari chi ngasām ngasaka, kala ani khanini tara̱lungli zangda Philipna ahonga chili ra̱hikmi.

1 CORINTHNAO 12:13

Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

TITUS 3:5

ithumli ana huimi. Ithumna khamashung khangarong ot kasāwui vang maningmana; kha awui lukhamashan mangā eina pheomihaida Manglā Katharana pharā khangasak mirin kadhar chi ithumli thada mi.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”