MATTHEW 3:10 - Kathara Bible (BSI)

¹⁰ Aruila thingrongbingwui angayungli ngahā parhaida lei. Chieina athei khamathā makhamathei thingrong kachiva̱ ta̱teklaga meilungli horsanghaora.

MATTHEW 3:10 Iomraidhean Croise

2 SAMUEL 23:7

Kha athumli sāza̱ga jiakha mari maningakha zeipa̱ eina chikarra, kala athum chi ngalāngda meili chuitāhaora.

LAA 1:3

Chikathā mi chi kongrā tara̱pamli lingsang kahai thingrong, angasut khaung tharan athei khamatheiya, kala anā makhangahui kathāna. Ana kasāsā saikorali mataisanga.

LAA 140:10

Ngānda khalei meitha athumwuitungli tāranu! Athumli chomli horsangda mashokluiaranu.

LAA 92:12

Khangarongana khaneirong thāda mataisanga, kala Lebanonwui cedarthing thāda phora.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 61:3

Zionli chapkhangachā athumli— hotlāwui mahut wonrui ngachāmi khavai, chapkhangachāwui mahutli ringkaphā thao neomi khavai, ning vānkahaiwui mahutli masotwui kashankachon ngavaimi khavai; kaja athumli khangarongwui shirimthing hokhavai, Prohowui lingsang kahai, chieina ali tekmateingasak khavaiwui vangna.

JEREMIAH 17:8

Ava tara̱pamli lingsang kahaia, angayungbing kongrāra̱li zimkakhui samkaphang, kasā kharā tharan mangacheema, kaja anā timshon timthaiya, kala kazingkakāng atamlila ning makashakmana, kaja chiya athei khamatheila khangasām makhavai thingrong kathāna.

DANIEL 4:14

Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MATTHEW 21:19

Kala ana shongfapheili khaorārong theida apam chili vai, kha chili anah maningla khikha masamphangthuwa. Chieina ana arong chili hānga, “Athei mamatheiluilakranu!” Chieina khaorārong chi ngalāngda ngahuihaowa.

MATTHEW 7:19

Khamathā athei makhamathei thingrong kachiva̱ ta̱teklaga meilungli horsanghaora.

LUKE 23:31

Kala thingna matekta leilakha chithākha thengkahai tharan khi shokrakhala?”

LUKE 3:9

Arui eina tangda thingngayungli ngahā parhaida lei, chiwui vang eina athei khamathā makhamathei thingrong kachiva̱ ta̱teklaga meilungli horsanghaora.”

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

JOHN 15:6

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?

HEBREWNAO 6:8

Kha ka̱shāt eina khawomāng kaphor ngalei chi kānkhanā maleimana; chili Varena khonshikapaiwui kalāshāt lei kala mei eina shimān ngasakra.