MATTHEW 28:19 - Kathara Bible (BSI)

¹⁹ Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MATTHEW 28:19 Iomraidhean Croise

HAOKAPHOK 1:26

Chiwui thili Varena hānga, “Ithumwui sakrin khuida ithumli ngaraikachā mi sākhuisa; kala shamadruli khalei khaihyur, kazingli yongkazata vānao, sha̱kei kala okathuiwui ngaleitungli ngarikazata saikorawuitungli athumna mungranu.”

ISAIAH 48:16

li rānganaida hi nganālu, haokaphok eina thuida ina ngathumda mamatuiranga, chi rākashok atamwui eina thuida I chili leihairasai.” Ara Proho VAREna awui manglā ili chihorāhaira.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 52:10

Prohona awui tharkhamatheng pāngthei, miyur saikorawui miktāli chitheimihaira; kala okathuiwui akatang saikorana ithum Varewui huikhami chi theira.

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 25:32

Awui mangāli miyur saikora kazipkhuira, kala yaokahomana mebingwui eina yaobing chi ngatei phākkakhui thada ana athumli ngatei ngasakhaora,

OTSAK 1:2

ali kazingramli makhuikāranglakha awui paokazata sāda kapangkhui kahai mibingli Manglā Katharawui pangshap eina hāngmathinkhami chi ina kapihaira.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 14:21

Keinung chili anina paokaphā hashokta sākhangatha̱ kachungkha yuikhui. Chiwui thili Lystra, Iconium kala Antiochli latungluishita.

OTSAK 2:41

Awui tui khuikasanga mi saikorali ra̱hikmi kala chithanghon mi thingkathum sha̱kha ngarumsanga.

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

OTSAK 9:18

Chili ngalāngda khaihor thada amik eina ngajarta kahai eina kathei samphangluishithaowa. Laga ana ngakarthuida ra̱hikhaowa.

ROMNAO 10:18

Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

1 CORINTHNAO 15:29

Chi maningakha kathebingwui mathun ra̱kahik khuikhamiwui kakhalat khikhala? Kathebing maringphalungluimara jiakha khisāda athumwui mathun sāda ra̱hikmirakhala?

2 CORINTHNAO 13:14

Proho Jishu Khristawui lukhamashan, Varewui leikashi kala Manglā Katharawui ngasokhami chi nathum saikorawuitungli leimichingranu.

GALATIANAO 3:27

Khristali zangda ra̱hik kahai nathum saikora, Khrista ā khalattawui mirina nathumwui sāri ngasahaira.

EPHESIANAO 2:18

Kaja Khristawui manga eina Jihudi eina Gentile, khanini Mangla akha eina Avāli zangkapaina.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 JOHN 5:7

kala Manglāna chiwui shākhina. Kaja Manglā hi khamashungana.