MATTHEW 28:18 - Kathara Bible (BSI)

¹⁸ Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

MATTHEW 28:18 Iomraidhean Croise

LAA 89:19

Shitkasangbingli achālakha nana khamahā eina hāngmida “Pangshap khalei akhali ina kuihon sangmihaira, mibingwui eina kapangkakhuia chili ina reingasaka.

LAA 89:27

Kala ina ali naochizai sāngasakra, okathuiwui awungabingwui juimeikap kaje ngasāra.

CHĀNSAM 8:15

Iwui mangā eina awungabingna munga, ngalei khangākabingna tāzak tārak kahai mashun mi;

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 26:64

Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

LUKE 10:22

“Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

JOHN 13:3

Jishuna, Avāva̱na ot saikora awui pāngli horsangmihaira, kala a Varewui eina kharāna kala Varewuili vāluihaora kaji theida,

JOHN 17:2

khikhalajila nana mikahai mikumo saikorali katang makhavai kharing mikhavai nana ali pangshap mihaira.

JOHN 3:31

Atungshongwui eina katā china saikorali reimei. Okathuiwui eina kharā china okathuiwuina, kala okathuiwui apongli matui, kha kazingramwui eina kharā a china saikorawuitungli lei.

JOHN 3:35

Avāva̱na Anaomayarali leishiya kala ot saikora awui pāngli horsangmi kahaina.

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

ROMNAO 14:9

kaja Khristana kharing kala kathiwui Proho sākhavai thimi kala ringluishita.

1 CORINTHNAO 15:27

Hithada kapihaida lei, “Varena ot saikora awui pheizingli haimihaira.” Kha “Ot saikora awui pheizingli haimihaira” kaji hili Vare mazangmana kaji hi tharlak eina thei.

COLOSSIANAO 2:10

Chieina ali ngashikta okthuikharumlungli nathumli kākashunga mirin chi mihaira. Ava manglāwui khamunga kala sāshap pangshapa saikorawuitungli khamunga akhavāna.

HEBREWNAO 1:2

Kha khanaowa atam hiliva Naomayarali shichinda ithumli hāngmihaira. Apuk-apaga hi awui mangā eina sai kala ot saikora awui sāngasaka.

HEBREWNAO 2:8

Kala ot saikora awui pheizingli leingasaka.” Ot saikora awui pheizingli leingasakta ot saikora awui pāngli horsangmi, mahorsangkhami akhala maleimana. Chithālala arui eina tangda ot saikora awui pheizingli leihaira kaji ithumna matheiranga.

1 PETER 3:22

A kazingramli vāhaira kala Varewui yāshong pamda kazingraobingla, kazingwui khangamkharei kala saikorala awui pāngli leisera.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 17:14

Athumna Yaonaoli rai ngararra, kha Yaonao china ana hokhui kahaibing kapangkakhuibing kala ningtongda kashurabingli ngasoda athumli maikashi mira, khikhalajila a prohobingwui Proho, awungabingwui Awungana.”

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.