MATTHEW 28:10 - Kathara Bible (BSI)

¹⁰ Jishuna anili hānga, “Mangacheealu, vālaga ichināngarāli Galileeli tākhavai hānglu kala apam chili athumna ili theira.”

MATTHEW 28:10 Iomraidhean Croise

MATTHEW 14:27

Jishuna heng sāda hānga, “Pingmeilu, ina; mangacheealu.”

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

MATTHEW 25:45

Chieina ana athumli ngahānkāra, ‘Kachangkhat ina nathumli kahāngna, nathumna teomeikap kaje akhali masākhami chi ili masākhamina.’

MATTHEW 26:32

Kha I ringshok kahaiwui thili nathumli ina Galileeli rida vāra.”

MATTHEW 28:16

Sākhangatha̱ tharāda akha china Jishuna vālu da hāngkahai Galileewui phungrei chili vai.

MATTHEW 28:5

Kha kazingrao china sha̱nao khani chili hānga. “Mangacheealu, khikhalajila nathumna krushtungli shaothat kahaiya Jishuli kaphāna kaji ina thei.

MATTHEW 28:7

Chieina thaklāk eina vāda awui sākhangathabingli ahānglu, ‘A kathiwui eina ringshokhaira, kala ana nathumli rida Galileeli vāura, nathumna ali chili theira!’ Ina nathumli hāngkahai chi phaningunglu.”

MATTHEW 28:9

Kashuirak eina Jishuna anili samngarokta, “Nanili chingrihairanu” da hānga. Anina vālaga awui pheili singda ali khoruma.

MARK 16:7

Ara nathumna awui sākhangatha̱bing eina Peterli pao hi unghānglu, kaja ‘Ana nathumli rida Galileeli vara’, da ana nathumli hāngkahai thada nathumna ali chili samphangra.”

JOHN 20:17

Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.”

JOHN 6:20

Kha Jishuna athumli, “Mangacheealu, ina” da hānga.

ROMNAO 8:29

Chinaongarā kachungkhawui ngachaili Anaomayarana naochizai ngasāngasak khavai Varena kapangping kahaibing chi Anaomayarali ngarui ngasak khavai phaishokhaira, kala Anaomayarana naongarā chiwui naochizai sāra.

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.