MATTHEW 27:38 - Kathara Bible (BSI)

³⁸ Jishuli ngasoda phama̱kashao yaronnao khani, akhana yāvāk kala akhana uivāk da krushtungli shaothata.

MATTHEW 27:38 Iomraidhean Croise

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

MATTHEW 27:37

Kala awui kuitungli athumna ali kaphen tui chi hithada kapihai, “Hi Jihudibingwui awunga Jishu china.”

MATTHEW 27:39

Chiwui ngalemli kānung kānkhavābing china kuikhayitta Jishuli zeida hānga:

MATTHEW 27:44

Kala ali shaothatkharuma phamakashao yaronnao khani chinala chi tākam eina zeiya.

MARK 15:27

Ali ngasoda khale khani, akhana yāshong kala akhana uishong da shaoshāna.

LUKE 22:37

Kaja ina nathumli kahāngna, ‘Ali khayon kasābing mishānli shānsanga’ da kathara lairikli hāngkahai chi iwuili ungshungphalungra, kaja iwui pongli kapi kahai chi ungshungmamānhaira.”

JOHN 19:18

Apam chili athumna Jishuli krushli shaoshāna, kala khangatei mi khanilila lākharip, Jishuna alungli zangda krushli shaoshānruma.