MATTHEW 27:30 - Kathara Bible (BSI)

³⁰ Athumna ali machora̱ mashorrora kala khāmshui chila khuimihailaga akuili shaowa.

MATTHEW 27:30 Iomraidhean Croise

ISAIAH 49:7

Israelwui ngatangkhame, kala awui Katharapa, chinkākhailak kahaia, miyurbingna ningkachai kahaia, khamungabingwui rao chili, Prohona hithāda hānga: “Awungabingna theida ngakarthuira, wungnaobing athum khalatta ngakhumshāmsangra.” Khikhalajila ningkatonga, Israelwui Katharapa nali kapangkakhuia Prohowui vangna.

ISAIAH 50:6

Kashaobingli ina khumkhor ngareimi, morhā kachichaibingli iwui maisor ngareimi; mashora mashokharor kala kakhayakwui eina imai mathumhaimana.

ISAIAH 52:14

Ali kachungkhana matakhakhai— amai ngapa̱-kahokhaida, mizak mathāmana; kala awui phasā miwui naomayarawui mathāmana—

ISAIAH 53:3

Mibingna ali yangkharinga kala mamayāmana; wukkakhananga mi, sikafa thathei kahaia; mibingna mayangngaimada mai ngareithui kahai thāda, ali yangkharinga, kala ithumna ali machāpmimana.

ISAIAH 53:7

Ali rekharekta chotngasaka, kha ana khikhakkha mashokmana; shaothat khavaipamli thānkhava yaonao thāda kala yaohah kachichāpwui mangāli akhak makashoka yao thāda, ana akhamor mamakālakmana.

MICAH 5:1

Arui nali kuimareida pan saphinhaira; ithumli kuinamkhuihaira; lijei eina athumna Israelwui khamunga chiwui maisorli ngaphita.

MATTHEW 26:67

Chiwui thili athumna amaili machora̱ mashorrorda kashaola shaowa, kala kaikhana kakaphela kapheda

MARK 10:34

athumna ali mana̱shira, machora̱la mashorrora, lijei einala ngaphitra kala sakathatla sāthatra, kha kathumthangwui thili a ringshokluira.”

MARK 14:65

Kaikhana Jishuli machora̱ mashorrorphoka, amaila rommi, kashaola shaoda, “Marānlu!” da hānga. Kala shantribingna ali kapheya.

MARK 15:19

Athumna akuilila lijei eina ngaphita, machora̱la mashorrora kala khayākashi kachithei sāda khuktizangda khorumkhaninga.