MATTHEW 27:25 - Kathara Bible (BSI)

²⁵ Chieina yarui saikora china ngahānkai, “Awui ashee chi ithum eina ithumwui naongarāwuitungli tāranu.”

MATTHEW 27:25 Iomraidhean Croise

2 SAMUEL 1:16

Kala Davidna hānga, “Nawui ashee nakhalattali tāranu, kaja Prohona thao neomikahaia chili, ‘Ina sākathatna’ da nakhalatta shākhi khamina.”

1 WUNGNAOBING 2:32

Ishāvā Davidli mangasanlakla ana ashee tākhangasakwui vang Prohona awuitungli athut khuimira; kaja ali phāmei kala mashungmeikhar kaji mi khani, Nerwui nao Abner, Israelwui raimi kathāna eina Jetherwui nao Amasa, Judahwui raimi kathānali ana sāthathaowa.

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

MISHĀN 35:33

Nathumna pamda khalei ngalei chili hikathāwui eina mamakhao ngasakpaimara; kaja ashee katā eina ngalei makhao khangasakna, kala chi khikhanala phungthuikapai maleimana; kaja ashee tākhangasak eina ngalei makhao ngasak kahai chi, ashee tāngasak kahaipawui ashee maningla mapheopaimana.

MATTHEW 21:44

“Ngalunggui hiwuitungli tākatunga a chi kaikazamra, kha ngalunggui china tākkaza̱ a chi akha̱-akhā ngasāhaora.”

OTSAK 18:6

Kala athumna ali ngasungda awuitungli zakkashishi phorlaga khamatui tharan, awui kachonwui chifa kathanrorlaga maringkaphā phongshoka kala athumli hānga. “Nathumwui ashee chi nathumwuitungli tāranu! Iwui khayon maleimana. Arui hi eina thuida ina Gentilebingli vaura.”

OTSAK 5:28

“Nathumli mipa hiwui ming eina matamchitheilakalu da kaso kahaina, kha nathumna nathumwui tamkachithei hi Jerusalem peida ngayao ngasakhaira kala mayara hiwui ashee katā chi ithumwuitungli tāngasakida sai.”

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

KHALATLUI 19:10

Chi maningakha, Proho nathumwui Varena nathumli khami shimlui chili khayon makhalei mili ashee kashokwui khayon nathumwuitungli tāpaishina.

KHALATLUI 19:13

Nathumna ali yanglaga malumashanpaimana, kha Israelwui eina khayon makhalei mili sākathatwui khayon sāmathāda, china nathumwui vang phāmei khavaina.

JOSHUA 2:19

kalikha mi akhana shimwui eina thuihaida keinungli zatsākha, akhalatta kathina; ithumwui khayon maningmana; kha nali ngasoda nawui shimli leikasā akhali pāng parakha, awui kathi chi ithumwui khayon sāra.