MATTHEW 26:74 - Kathara Bible (BSI)

⁷⁴ Chiwui thili Peterna a khalatta khonshāt pokhuida shākhi sāda hānga, “Ina khamashung tui matui kala mingkazaina! Ina khamashung tui mamatuimana jiakha Varena ili tandi miranu, I mipā chili matheimana.” Chichang chili harvā khonguwa,

MATTHEW 26:74 Iomraidhean Croise

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 26:34

Jishuna Peterli hānga, “Kachangkhat eina ina nali kahāngna, arui ngayā harvāna makhongranglakha nana ili matheimana da kathum shida hatra.”

MATTHEW 26:73

Khaleilaga chili nganingkasābing china Peterli rāda hānga, “Kachangkhat eina nala athumli ngasokasā akhana, nawui tuimatui eina thei.”

MATTHEW 26:75

kala Jishuna ali hāngkahai, “Harvāna makhongranglakha nana ili kathumshida hatra” kaji Peterna phaningunga. Chieina ana kayāngli shokta soso chapa.

MATTHEW 27:25

Chieina yarui saikora china ngahānkai, “Awui ashee chi ithum eina ithumwui naongarāwuitungli tāranu.”

MARK 14:30

Chieina Jishuna Peterli hānga, “Kachangkhat eina ina kahāngna, arui ngayā harvāna khanishida makhongranglakha nana ili matheimana da kathumshida hatra.”

MARK 14:68

Kha chi ana mamayāmada hānga, “I katheila matheimana, nana kahāng chila bhap matāmana.” Kala khanukvāk shokhaowa. (Chichangli harvā khonghaowa).

LUKE 22:60

Kha Peterna, “Mayara, nana khi kahāngkhala kaji I matheimana” da ngahānkai. Ana matui mahunglakha heng sāda harvāna khonghaowa.

JOHN 18:27

Peterna, “Maningmana” da ngahānkai, kala chichangli harvā khonguwa.

ROMNAO 9:3

kaja phasāwui pongli iwui theisābing kala ichināngarāwui phākhavai athumwui eina ili Varena khonshida Khristawui eina ngatei ngasakhaowa jilala khikha maleimana.

1 CORINTHNAO 16:22

Proholi maleikashe mi khonkashi ngasāranu! Ithumwui Proho rāmilu!

PHONGKHAMI 3:19

Ina leishilak kajebingli hāngmachinda tandila mi; chiwui vang eina ningmazingda ningngateilu.

WUNGVA̱-WUNGVĀ 17:2

Kala ana ava̱va̱li hānga, “Nawui lupāsā thingkha shākha khuithui kahaiwui vang nana khonkashi, kala I khanāli hāngkasang chi, yanglu, lupāsā chi iwui pāngli lei, ina kakhuina.” Kala ava̱va̱na hānga, “Inaoli Prohona somiranu.”

WUNGVA̱-WUNGVĀ 21:18

Chithālala ithumwui naongalāva̱bingli mafavā ngasakpaimara. Kaja, Benjaminli preiva̱ khami mi chi khonkashi ngasaranu” da athumna ngashithairasai.