MATTHEW 26:70 - Kathara Bible (BSI)

⁷⁰ Kha Peterna athum saikorawui mangāli mamayāmada hānga, “Na khi kahāngkhala I matheimana.”

MATTHEW 26:70 Iomraidhean Croise

CHĀNSAM 28:26

Khalattawui ningli shitkasang mi chi mangkhama̱na, kha thangkhamei eina kazat mili kanshokmira.

CHĀNSAM 29:23

Langkasona ali maishi ngasakra, kha ningngai ngahuiri kahai mina maikhayā samphangra.

CHĀNSAM 29:25

Miwui khangacheena khalen sanga, kha Proholi khangachee mi khikha mathāmana.

ISAIAH 57:11

Nathumna khipāli ngacheengachā haoda chiwui vang kapikta, ili maphaningungla, akhanidala ili machukkhamajakhala? Ina kasāngkhawui vang khikha mathāla mayangmimala? Chiwui vang eina nathumna ili makhangacheela?

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

MATTHEW 26:51

Kala yanglu, Jishuli ngasokasā mi akhana awui pāng katingshokta raighai sutkhuilaga pāngmon akhokawui rao akhawui khanā yortāmihaowa.

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MATTHEW 26:58

Peterna pāngmon khareiwui kayāng vāshungda lachāham eina shurvai, ana alungli zanglaga akatang chi yangkhui khavai shantribingli ngasopama.

MATTHEW 26:69

Peter kayāng chiwui ayarli pamsai. Kala rao sha̱nao akha awuili rāda ali hānga, “Nala Galileepā Jishuli ngasosai?”

MATTHEW 26:71

Kala ana kayāng shokkhavai varandashong khavā tharan raosha̱nao khangatei akhana ali theida chili pamkasā mibing chili hānga, “Ala Nazarethwui Jishuli ngasosai.”

LUKE 22:57

Kha ana mamayāmada hānga, “Sha̱nao, I ali matheimana.”

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

1 CORINTHNAO 10:12

I nganingtitta lei da kaphaninga mi china mokonglui khavai ningngasharanu.

PHONGKHAMI 21:8

Kha malungmakazanga, mashitkasanga, khamakhaoa, mi shaokathata, ngalā khangashāma, meoworkathema, meoma̱li khokharuma, kala kapikkazarra, athumwui apam chiya meiri eina chuida khalei meiwui ngayi china, chi thikakhane china.”