MATTHEW 26:63 - Kathara Bible (BSI)

⁶³ Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

MATTHEW 26:63 Iomraidhean Croise

1 WUNGNAOBING 22:16

Kha awungana hānga, “Prohowui mingli khamashung tui hāngmilu da ina nali kayākhashida hāngrakhala?”

2 THOTRINCHĀN 18:15

Kha awungana hānga, “Nana Prohowui ming singda khamashung tui chi hāngkhavai ina kayākhashida pohairakhala?”

LAA 42:2

Kharinga Varewui vang imanglāna Varewui vang ra̱changa, Varewui mai ina katharan atheirakhala?

CHĀNSAM 29:24

Khalewui angasotana akhalattawui rinli yangkharinga, khonkashi chi ana shai, kha mahāngphatmana.

ISAIAH 53:7

Ali rekharekta chotngasaka, kha ana khikhakkha mashokmana; shaothat khavaipamli thānkhava yaonao thāda kala yaohah kachichāpwui mangāli akhak makashoka yao thāda, ana akhamor mamakālakmana.

DANIEL 3:16

Shadrach, Meshach kala Abednego, athumna ngahānkai, “O Nebuchadnezzar, hiwui pongli ithumna khikha hāngkhavai maleimana.

PĀNGMONSHI 5:1

Kachikathā mi akhana moreikasa theilaga maningakha shālaga chi shākhi sākhavai yaruina kasolaga masāthurakha chiwui khayonkhamāng ana phungra.

MATTHEW 16:16

Simon Peterna ngahānkai, “Na Khrista, kharinga Varivarawui Naomayara china.”

MATTHEW 26:62

Kala pāngmon kharei china ngakarthuida Jishuli hānga, “Nali kaphen hili ngahānkā khavai maleimalā? Mibing hina nawuitungli shākhi khami hi khida?”

MATTHEW 27:12

Kha pāngmon akhokabing eina ararnaobingna ali kaphen chili ana khikha mangahānkāmana.

MATTHEW 27:14

Kha Jishuna khikhala mangahānkālakmana, chieina governor chi matakhakhaowa.

MATTHEW 27:40

“khorumshim shimān ngasakhailaga kathumthangwui alungli sakāluishitra da kahāngapā, nakhalatta huikhuilu! Varewui Naomayarana jiakha krushwui eina tunglu.”

MATTHEW 27:43

Ana Vareli chihāna, ana ningchāngakha Varena arui ali rākankhuihaoranu, kaja ana ‘I Varewui Naomayarana’ da hānga.

MATTHEW 27:54

Jishuli mayonkapama raimiwui akhavā eina ali khangaso awui shipaibingna neina̱ kakhanuk, kala kashokshok chi kathei eina ngacheekhaihaoda hānga, “Kachangkhat eina hi Varewui naomayarana.”

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

MARK 14:61

Kha Jishuna khikha mangahānkāla kasainakha pamhaowa. Chieina pāngmon kharei china ali ngahānlui, “Sokhame Varewui Naomayara Khrista chi nala?”

JOHN 1:34

Ina chi theihaira kala ina nathumli kahāngna, a Varewui Naomayara chilaka.’”

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 10:24

Chieina Jihudibingna ali rākuinamda hānga, “Nana ithumli karankha ningmaong ngasakrakhala? Na Khrista china jiakha tharlak eina hānglu.”

JOHN 10:30

Iwui Avā eina I akhana.”

JOHN 10:36

Ili Varena kapangkhuilaga chihokharāna. Chithākha I Varewui Naomayarana da kahāng hili Vareli kachipat khi leikhala?

JOHN 18:37

Pilatena ali hānga, “Thakha na awunga akharali!” Jishuna ngahānkai, “I awungana kaji hi nana hāngda lei. Ili hiwui vang kapharāna, kala hiwui vang khamashung chili shākhi mikhavai I apuk-apagva̱li kharāna. Khamashunga mi kachivana iwui tui khuisanga.”

JOHN 19:7

Jihudibingna ngahānkai, “Ana Varewui Naomayarana da kahāngwui vang a thingayiphalunga kaji hi ainli kapihaida lei.”

JOHN 19:9

Ana kārotli zangluishitta Jishuli hānga, “Na kachiwui eina kharākhala?” Kha Jishuna mangahānkāthuwa.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 6:69

Ara ithum shitsanghaira, kala ithumna theihaira, Varewui Tharkhamathengapa chi nalaka.”

JOHN 8:25

“Na khipākhala?” da athumna ngahāna. Jishuna ngahānkai, “Ina haokaphokwui eina nathumli hāngkahaina.

2 CORINTHNAO 1:19

Silvanusna nilala, Timothyna nilala, ina nilala tamchitheida khalei Varewui Naomayara Jishu Khrista hiya “Ninglapai” “Maninglapai” kaji maningmana. Kha awuili Varewui “Ninga” kaji lei.

1 PETER 2:23

Ali kachipat chitharan ana kachipat tui eina mangahānkāmana; Ana kachot tharan mamachitmana, kha khamashung bicharsame Vare chili awui kachihān leichinga.

1 SAMUEL 14:24

Kala Israelwui mibing chithang ningli khananglākhaowa, kaja Saulna mibingli khangashit sāda, “Ngazin marāranglakha eina tangdawui alungli iwui yangkashibingli ikhalattana athut makhuiranglakha phakazābing chi khonkashi ngasaranu” da hānghaowa. Chieina mi khipākha mamazaplakthuwa.

1 SAMUEL 14:26

Mibingna ngahong chili kazang tharan, yanglu, khuira̱ chi ngaya̱sai; kha khipānakha pāng eina saza̱da khamorli masangmana; kaja mibingna khangashit chili ngacheehaowa.

1 SAMUEL 14:28

Chieina mi akhana, “Mibingli navāna, ‘Aja phakazā mi chi khonkashi ngasaranu’ da saklak eina ngashithaida lei” da hānga. Chiwui vang mibing vānkahaina.