MATTHEW 26:58 - Kathara Bible (BSI)

⁵⁸ Peterna pāngmon khareiwui kayāng vāshungda lachāham eina shurvai, ana alungli zanglaga akatang chi yangkhui khavai shantribingli ngasopama.

MATTHEW 26:58 Iomraidhean Croise

MATTHEW 26:3

Chiwui thili pāngmon akhokabing eina ararbing, Caiaphas kaho pāngmon kharewui dolānli kazipngaruma,

MATTHEW 5:25

“Kachikathāna nali hanga̱ hokaakha kārot kākhavai zatta leilakha nali kaphena mi chili thaklāk eina mashitkhuilu. Chi mathaakha ana nali bicharwoli mikāhaipai kala bicharwona kashinali misangmaronlaga nali phātopli sanghaipai.

LUKE 22:54

Chiwui thili athumna ali tukkhuida pāngmon khareiwui shimli shimenvai. Peterna khalachāhamsam shurvai.

JOHN 18:25

Chitharan Peterna chili nganingda meili tikpamsai. Chieina athumna hānga, “Na mipā chiwui sākhangatha̱ akha maningmala?” Kha Peterna mamayāmada “Maningmana” da ngahānkai.

JOHN 19:6

Pāngmon akhokabing kala kathānabingna ali kathei eina “Krushli shaoshānhaolu! krushli shaoshānhaolu!” da vaokazama. Pilatena athumli hānga, “Chithākha nathumna rākhuilaga krushli shaoshānlu, kaja iya awuili khikha khayon masamphangmana.”

JOHN 7:32

Mibingna Jishuwui maramli kakhalop chi Phariseebingna shai, chieina pāngmon akhokabing eina Phariseebingna Jishuli tukkhui khavai akhavābing chihovai.

JOHN 7:45

Pāngmon akhokabing eina Phariseebingna kachiho akhavābing chi latkhaung tharan, “Khisāda ali matukkhuithukhala?” da ngahāna.

OTSAK 5:22

kha akhavābingna phātop shimli vākashung tharan paokazatbing chi maleisāthuda, athumna hanunglaga hithada unghānga,

OTSAK 5:26

Chieina akhavā china kashinabingli ngasovālaga athumli akhuiluishita, kha mibingna lunggui eina horpaishina da khangacheewui vang zakshilāk eina masāmana.