MATTHEW 26:56 - Kathara Bible (BSI)

⁵⁶ Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MATTHEW 26:56 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

ISAIAH 44:26

awui raowui tui ungshung khangasaka, awui paomebingwui hāngkachithei tui ungshung khangasaka, Jerusalemwui pongli ‘Chili mi panluira’ da hāngkhame, Judahwui keinungbingwui apongli ‘Athum sakāluira, kala ngayāng kahai ina semkāluira’ da kahāngana.

CHAPCHĀT 4:20

Prohona thao neomi kahaia, ithumwui nātangkhurwui eina kashok khaksui athumwui chomli sangmihaowa, “Awui khaya̱li yurbingwui alungli ithum okthuira” da ithumna kahānga chi.

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 21:42

Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 26:31

Chiwui thili Jishuna athumli hānga, “Arui ngayā nathum saikora imangli horhailaga yāmserhaora, kaja kathara lairikli hithada kapihai, ‘Ina yaokahomali sāthathaora kala yao ashangva̱ chi chaiyānghaora.’

MATTHEW 26:54

Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?”

JOHN 16:32

Nathum chaiyāng eina kachichāwui shimli unghaida, ili ngachakyāng eina nothāhaoki kaji atam chi rārāli kala kharāla rāhaira. Tha-ilala imāng majimana, kaja iwui Avāna ili ngasoda lei.

OTSAK 1:16

“Ivānaobing, Jishuli tukkakhuibingli kathāna Judaswui apongli Manglā Katharawui pangshap eina achālakha Davidna hāngkahai kathara tui chi ungshungphalungra.

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

2 TIMOTHY 4:16

Ina I khalattawui vang phayetkharethang iwui vang nganingmi khavai mi khipākha maleisāmana, saikorana nothāhaowa.