MATTHEW 26:54 - Kathara Bible (BSI)

⁵⁴ Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?”

MATTHEW 26:54 Iomraidhean Croise

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 21:42

Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

JOHN 10:35

Kathara lairikli kapi kahai hi mashimānda mashunga kaji ithumna thei, kala Varena chikathābingli kameonao hoi, chikathābingli ana awui chānpao miya.

OTSAK 1:16

“Ivānaobing, Jishuli tukkakhuibingli kathāna Judaswui apongli Manglā Katharawui pangshap eina achālakha Davidna hāngkahai kathara tui chi ungshungphalungra.