MATTHEW 26:53 - Kathara Bible (BSI)

⁵³ Ina iwui Avāli poakha ana kazingrao ashang tharāda khanili lāngda hengsāda chihorāshapra da nathum matheimalā?

MATTHEW 26:53 Iomraidhean Croise

2 WUNGNAOBING 6:17

Chieina Elishana seihā sāda hānga, “O Proho, ina nali seihā sali, ana theikhavai amik rakmilu.” Chieina Prohona yarona chiwui amik rakngasakta theihaowa; kala yanglu, Elishali kuimareida sigui kala meiwui siguigari phungrei chi pemda leisai.

DANIEL 7:10

Awui ngalemwui eina meiwui kong akha longshoka; thing-thingna ali otram ngatha̱mi, thingtharā shidawui thingtharāna awui mangāli nganinga: chiwui thili bichar sāphoka, kala lairikla hārserhai.

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 4:11

Chieina chipee chi awui eina thuihaowa kala yanglu, kazingraobingna ali otram rāngatha̱mi.

MARK 5:15

Athumna Jishuwuili kharā tharan legion kazanga mipa chi ning mathingungda kashankachon mathāsek eina ngavailaga pamkasa chi theilaga athum ngacheelakhaowa.

MARK 5:9

Jishuna ali ngahāna, “Nali khipa hokhala?” Ana ngahānkai, “Ili Legion hoi kaja ithum kachungkhaya!”

LUKE 8:30

Jishuna ali, “Nawui ming khipā hokhala” da ngahāna. Chieina ana, “Ili Legion hoi” da ngahānkai; kaja kameo kachungkha ali zanghaowa.

JOHN 10:18

Khipānakha iwui eina makhuithuimana kha iningsasak eina kachigatna. Ina manglā chigatkashap kala khuiluikashapwui pangshap lei. Hi iwui Avāwui eina samkaphangna.”

JOHN 18:36

Jishuna hānga, “Iwui wungmung hi apuk-apagva̱wui maningmana; iwui wungmung hi apuk-apagva̱wui sāsāsi kaja ili Jihudibingwui pāngli mahorsang khavai iwui kashurabingna ngararhairara; kha iwui wungmung apuk-apagva̱wui eina maningmana.”

2 THESSALONICANAO 1:7

chotkahaia nathumlila, ithumlila ana ngasāmkhui ngasakra. Jishuna, pangshap khaleiya awui kazingraobingli mei eina ngasoda kharā chitharan;

JUDE 1:14

Adamwui naothot kashine Enochna athumwui pongli rida marānhaikasā chiya: “Yanglu, Prohona, kathara kazingrao thingthingli ngasoda rāra.”