MATTHEW 26:45 - Kathara Bible (BSI)

⁴⁵ Chiwui thili ana sākhangatha̱bingli hanunglaga athumli hānga, “Nathum aruila pida ngasāmda leifala? Yanglu, miwui Naomayarali morei kaphungbingwui pāngli horsangmiki kaji atam chi rāhaira.

MATTHEW 26:45 Iomraidhean Croise

1 WUNGNAOBING 18:27

Kazing khangashun eina Elijahna mana̱shida hānga, “Pangda vaolu, kaja a vare akhana, ringphāpam kahailapai, chi maningakha kalikha vākahailapai, maningakha kha̱ram vākahailapai, kapila pihaiphāphālapai, mathotkhui phalungki kajili tai.”

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

MATTHEW 26:18

Ana hānga, “Keinungli vāda kachikathā mi akhali ahānglu, ‘Ojā china hānga, iwui atam nganailakhaira; nawui shimli iwui sākhangatha̱bingli ngasoda Makānkhami Phanit chi mayonra.’”

MATTHEW 26:2

“Khanithangwui thili Makānkhami Phanit sāra kaji nathumna thei, kala miwui Naomayarali krushtungli shaothat khavai horsanghaora.”

MATTHEW 26:44

Jishuna athumli haiphunglaga vāluishita kala kakathumalila ngaraikachā tui chi hānglaga seihā sālui.

MATTHEW 26:46

Ngakarthuilu, zatusa, yanglu, ili yansaiki kaji hili rāhaira.”

MARK 14:35

Ana khavāmeilaga ngaleili ngakhumshamzangda sapaisi kaja atam chi awui eina kānthuimihaoranu da seihā sai.

LUKE 22:53

Ina thangkachida nathumli khorumshimli ngasokapam tharan nathumna ili pāng maparmana. Kha tangkhamangwui pangshapna munghaokida aja hi nathumwuina.”

JOHN 12:23

kala Jishuna anili ngahānkai, “Miwui Naomayarana tekhamatei samphangki kaji atam ara rāhaira.

JOHN 12:27

“Ara imanglā khananglakhaira, ina khi hāngra? ‘Avā, ili kakanmilu’ jirala? Maningmana, kharin hiwui vang I atam hili kharāna.

JOHN 13:1

Makānkhami phanit sākida thangkha vātlakha, Jishuna apuk-apagva̱li pākhailaga Avāva̱wuili vāki kaji atam rāhaira kaji kathei tharan, apuk-apagva̱li khalei mibingli leishihaoda, khanao eina tangdala ana leishi.

JOHN 17:1

Jishuna hi hāngkup kahaiwui thili kazingram yangkāda hānga, “Avā, atam chi rāhaira; Nanaomayarali tekmatei ngasakmilu, chieina Nanaomayarana nali tekmatei ngasakra,