MATTHEW 26:41 - Kathara Bible (BSI)

⁴¹ Ngasharlu, mapihailu, kala nathum kasuili matāzang khavai seihā sālu; manglāva sāngaikachangkhata, kha asāna ngazanhaowa.”

MATTHEW 26:41 Iomraidhean Croise

LAA 119:1

Prohowui ainli kazatabing, shātmakakā athum chi sokhamina,

LAA 119:115

Makaphā kasābing, iwui eina thuihaolu, chithākha Varewui ningkhami ina mayonpaira,

LAA 119:117

Ili hapkakhano malei khavai mayonmilu, kala katang mavaila nawui shiyanli yangmilu!

LAA 119:32

Nawui ningkhami athishurda Ina ngasamzatra, iwui theikakhui nana mataisangkhami tharan.

MATTHEW 24:42

“Ngasharda rimpamsālu, khikhalajila nawui Proho katharan rāra̱khala da nathum matheimana.

MATTHEW 25:13

“Chiwui vang eina rimpamlu, khikhalajila nathumna zimiksho kala pung chi matheimana.

MATTHEW 26:38

Kala ana athumli hānga, “I wukakhanangna thiki jiura, hili nathum ningkharikta yangpamsālu.”

MATTHEW 6:13

Kala ithumli kasuili mazang ngasakmialu, kha makaphāwui eina kanmilu.’

MARK 14:38

Kasuili mazang khavai nathum ningngasharda seihā sālu; manglava sāngaikachangkhata kha asāna ngazanhaowa.”

LUKE 11:4

kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”

LUKE 21:36

Kha atam kachida ningngasharlu kaja rashokki kaji ot saikora hiwui eina yāmshokshap khavai kala miwui Naomayarawui mangāli nganingshap khavai seihā sāchinglu.”

LUKE 22:40

Apam chili vākashung chitharan ana athumli hānga, “Nathum kasuili matāzang khavai seihā sālu.”

LUKE 22:46

Chieina ana athumli hānga, “Khisāda nathum pihaokhala? Ngakarthuilu kala kasuili matāzang khavai seihā sālu.”

LUKE 8:13

Ngalei tarākha makhalei lungguina pemting kahai apamli tākazang athābing chi tui chi kashā eina mathānthathup khuisanga; kha angayung maleithuda athumna kasha̱nakhawui vang shitsanglala kasui kharā tharan yāmhaowa.

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

1 CORINTHNAO 10:13

Nathumna chāng khayang samkaphang kachiva̱ chi mikumoli kharā khangachāna. Kha Varena awui ngashitkhami chi makailakmana kala nathumna maphungrarki kaji chili lāngda ana nathumli chāng mayang ngasakmana. Nathumli chāng khayang chitharan khāngshap khavai ana nathumli pangshap mira kala chili yuishap khavai apong ngarānmira.

1 CORINTHNAO 16:13

Ning ngasharlu, shitkasangli nganingtitlu, pingda pangda sālu.

1 CORINTHNAO 9:27

Mi kateili khangahān chili rāzang khavai ngahot kahaia ili makhalanshokhai khavai ina iwui phasā hi makang ngasaka.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

EPHESIANAO 6:18

Manglāna thānkhami chiwui alungli Varewui khangachon samphang khavai otsak saikorali seihā kasā eina ngasoda polu. Varewui mibingwui vang seihā sāmichinglu.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

1 PETER 5:8

Mikringda ngasharlu, nathumwui yangkashe chipee chi kazingkha̱ thada nirlaga kachikathāli shaikhavai zatung zatvāda phāzatta lei.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

PHONGKHAMI 16:15

“Yanglu ina khale thada rāki kaji chi chithangna. Chithang kashankachon ngavaipamkasāpā chi sokhami ngasāranu, kaja ana yaruiwui miktāli mahongda mazatmara kala kakhayak masamphangmara.”

PHONGKHAMI 3:10

khikhalajila nana iwui tui mayontit kahaiwui vang okathuili okthuida khalei mi saikorali chāng yangkhavai apuk-apagawuitungli rāki kaji kachotkachāng chiwui eina ina nali kanmira.