MATTHEW 26:39 - Kathara Bible (BSI)

³⁹ Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.”

MATTHEW 26:39 Iomraidhean Croise

HAOKAPHOK 17:3

Chieina Abramna ngaleili ngakhumzanga, kala Varena ali hānga,

2 SAMUEL 15:26

kha kalikha ana ‘Nali ina ningyāngkhaung maleimana’ jiakha yanglu, I hili leili, ana phāra kaji chieina vairanu.”

1 THOTRINCHĀN 21:16

Davidna yangkakā eina Prohowui kazingrao china okathui eina kazingram ngachaili nganingkasā thei, kala apāngli raighai singlaga Jerusalemshong katingvai. Chieina David kala kathānabingna bora ngavaida ngakhumshamsanga.

ISAIAH 50:5

Proho VAREna ikhanā mathing ngasakhaira, kala ina mangakaishimana, ina khanuk masa̱naungmana.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

EZEKIEL 1:28

Kazing rothang changjeengawut kashok thāda, kuimareida kahor chila chithai. Prohowui tekhamatei zak chi chithai. Kala ina chi kathei tharan ngakhumsanga, kala khamatui akhon akha ina shai.

MISHĀN 14:5

Chiwui thili Moses eina Aaronna Israel katongawui mangāli mai mashunzanga,

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MATTHEW 20:22

Kha Jishuna ngahānkāda hānga, “Nathumna kapo chi khikhala da nathum matheimana, ina mangki kaji tengkot chi nathum mangshapla?” “Ithum shapa” da athumna ngahānkai.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 26:42

Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.”

MARK 13:22

Minama Khrista kala minama marānbing shokra kala shapakha Varena kapangkhui kahaibingli thanngui khavai khudamla kala matakhak kahai kachungkhala athumna chitheira.

LUKE 17:16

Kala Jishuwui pheizingli ngakhumshāmzangda ningkashi tarākha miya. Mipā hi Samarianaona.

JOHN 11:41

Athumna lungphek chi khalangshok kahai eina Jishuna kazingram yangkāda hānga, “Iwui Avā, nana ili shākhamiwui vang nali ningshi.

JOHN 14:31

kha iwui Avāna kakaso athishurda kasāna, chieina ina iwui Avāli leishiya kaji okathuina theira. “Ngakarthuilu, ithum zatusa.

JOHN 18:11

Jishuna Peterli hānga, “Nawui raighai chi ahonli sanghaolu. Avāna ili mikahai tengkot chi I mamangmarala?”

JOHN 5:19

Chieina Jishuna athumli hānga, “Kachangkhat eina ina nathumli kahāngna, Anaomayarana a khalattawui ning eina kasā khikha maleimana, kha Avāva̱na kasā chi theida kasāna.

JOHN 5:30

“I khalattawui sāshap eina khikha masārarmana, kha Varena kahāng athishurda ina bichar kasāna, chieina iwui bichar khamashungana; kaja iwui ningkachāng masāla ili kashirātawui kaphaningmāng kasāna.

JOHN 6:38

Kaja ina kazingramwui eina katā hi I khalattawui ningkachāng maningmana, kha ili kashirātawui ningkachāng sākhavaina.

OTSAK 10:25

Peterna shimlungli kazang eina Corneliusna ali samngarokkhuida awui pheizingli khayākashi eina ngakhumshamzanga.

PHILIPPINAO 2:8

A malung nimlaka kala kathi eina tangda kahāng nganai— krushli thimi.

HEBREWNAO 5:7

Jishuna okathuili ringlakha kathiwui eina huimi khavai Vareli chara̱ tāda panglāk eina ringngāda seihā sai. Kala ana malungkhanim eina ning horsangchao kajiwui vang Varena khuisangmi.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.