MATTHEW 26:36 - Kathara Bible (BSI)

³⁶ Chiwui thili Jishuna awui sākhangatha̱bingli ngasoda Gethsemane kaho apam chili vai kala Jishuna athumli, “Ina vāda seihā sāda leilakha nathum hili pamsālu” da hānga.

MATTHEW 26:36 Iomraidhean Croise

MATTHEW 26:39

Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.”

MATTHEW 26:42

Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.”

MATTHEW 6:6

Kha nana seihā kasā tharan nawui kāli zangda khamong shunghailaga mik eina makathei nathumwui Avāli seihā sālu, kala ngathum kahai saikora katheia nathumwui Avā china nali sāman mira.

HEBREWNAO 5:7

Jishuna okathuili ringlakha kathiwui eina huimi khavai Vareli chara̱ tāda panglāk eina ringngāda seihā sai. Kala ana malungkhanim eina ning horsangchao kajiwui vang Varena khuisangmi.