MATTHEW 26:35 - Kathara Bible (BSI)

³⁵ Peterna ngahānkai, “Nali ngasoda shaothatrumra jilala ina chi mahatlakmara.” Kala sākhangatha̱ saikoranala chithada hāngsera.

MATTHEW 26:35 Iomraidhean Croise

SHONGZĀ 19:8

Kala mibing saikorana khokkha sāda ngahānkāda hānga, “Prohona hāngkahai tui saikora ithumna sāra.” Kala Mosesna mibingwui tui chi Proholi hānga.

CHĀNSAM 28:14

Proholi ngacheeching kaji mi sokhamina; kha wuklung khamakang mina kakhanangli tāzangra.

CHĀNSAM 29:23

Langkasona ali maishi ngasakra, kha ningngai ngahuiri kahai mina maikhayā samphangra.

MATTHEW 10:33

kha ili mibingwui mangāli kahata chili inala kazingramli khalei iwui Avāwui mangāli ali hatra.

JOHN 13:37

Peterna ngahāna, “Proho, khisāda I mashurthukmarakhala? I nawui vang thishapra.”

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

1 CORINTHNAO 10:12

I nganingtitta lei da kaphaninga mi china mokonglui khavai ningngasharanu.

PHILIPPINAO 2:12

Chieina, iwui leikashebing, nathumna atam kachida kahāng nganā kahai thada, aruila, imiktāmāngli maningla kha lāngmeikharda I makhalei tharan Vareli khangachee kala kachiham eina nathumwui huikhami chi mapung phakhavai hotnakhuilu.

1 PETER 1:17

Nathumna Vareli seihā kasā tharan Avā da hoi. Ana saikorali kachichāna sākahai chiwui athishurda ngaraichā eina bichar sai. Chieina okathuili ringda leilakha ali khayākashi eina ngasoda okthuilu.