MATTHEW 26:31 - Kathara Bible (BSI)

³¹ Chiwui thili Jishuna athumli hānga, “Arui ngayā nathum saikora imangli horhailaga yāmserhaora, kaja kathara lairikli hithada kapihai, ‘Ina yaokahomali sāthathaora kala yao ashangva̱ chi chaiyānghaora.’

MATTHEW 26:31 Iomraidhean Croise

LAA 38:11

Iwui kazātwui vang eina ngasotnaobing, ngayurkazatabing katāva̱li thuihaowa; kala athei-asāla katāva̱li nganinga.

LAA 69:20

Zeikakharuina ining ngayānghaira, chiwui vang eina I chihān khavai maleithura. Ili lumashanmi khavai vang phai, kha akhanida maleimana; kala ninglum khavai phai, kha ili akhala masamphangmana.

LAA 88:18

Ngasotnaola, leikashibingla ili mangayur khavai nana khāmmihaowa; iwui ngasotabing tangkhamanglungli lei.

ISAIAH 53:10

Kha ali khamā za̱khangasak kala ali sifa khangasak chi, Prohowui ningkachāngna; kala Prohona awui mirin khayon chigat sāngasaklala ana awui ara̱-azāli theira kala awui mirin kaseisangmira, kala awui pāngli Prohowui ningkachāng mataisang ngasakra.

CHAPCHĀT 1:19

“Iwui leikashebingli ina ngakaowa, kha athumna ili minamhaowa, iwui pāngmonbing kala khararnaobingla pangshap samphang khavai kashakazā phāzatlakha, keinunglungli shimānhaowa.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 11:6

Ili ningkhamaong makhalei a chi sokhamina.”

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

JOHN 16:32

Nathum chaiyāng eina kachichāwui shimli unghaida, ili ngachakyāng eina nothāhaoki kaji atam chi rārāli kala kharāla rāhaira. Tha-ilala imāng majimana, kaja iwui Avāna ili ngasoda lei.