MATTHEW 26:29 - Kathara Bible (BSI)

²⁹ Ina nathumli kahāngna, iwui Avāwui wungramli nathumli ngasoda kadhara drakhāra̱ mangrumki kaji zimiksho marāranglakha eina tangda ina drākhārong hiwui mamangluimara.”

MATTHEW 26:29 Iomraidhean Croise

LAA 104:15

kala mina ning mathān khavai drakhāra̱, mai horkhavai thao, miwui ning pangsang khavai kashakazāla mi.

LAA 4:7

Athumwui theishirai kala drakhāra̱ khavāt makhaleiwui ringkaphā chili lāngmeida, nana iningli khamathān sangmi.

LAA 40:3

Ikhamorli ana laa kadhar sangmi, ithumwui Vareli masot khamiwui laa. Kachungkhana theida ngacheera, kala Proholi athumna shitsangra.

SOLOMONWUI LAA 5:1

Ina iwui yāmguili rai, izarva̱, iwui khām kahaiva̱, iwui nganamkaphāphā ot eina ngasoda ina myrrh kazipkhui, ina iwui khuihāng eina ngasoda khuira̱ shai, ina drakhāra̱ eina ngasoda seina̱ manga. Zālu O ngasotnaobing, kala manglu: kachungkha manglu, O leikashebing!

ISAIAH 25:6

Phungrei hili saikorawui Prohona okathui miyur saikorawui vang zātkhān akha ngarānmira, aman kasaka kashakazā kala mathāmeithui kaji drakhāra̱ eina.

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

ZEPHANIAH 3:17

Nawui Vare Proho nathumwui alungli lei, raikhoka rai yuikhame chi; ana nawui vang ringphāda mathānra, nali awui leikashi alungli mirin kadhar miluishitra; nawuitungli ana ringkaphāwui laa pangda vaora, phanit phanaoli kasā thāda.

ZECHARIAH 9:17

Mha, chi kayākha phā, kayākha mathāra! Mayar ngalābingli theishirai kala kadhara drakhātheina pangsang ngasakra, kala mayā ngasakra.

MATTHEW 13:43

Chiwui thili khamashung khangarongbingna athumwui Avāwui wungramli zimik thada horra. Shākhavai khanā kakā a china shākhuiranu!

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 18:20

Khikhalajila iwui mingli khani lah kathum kazipakha, athumwui chili I zangda lei.”

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 26:28

khikhalajila hi tuingashitwui iwui asheena, morei pheomi khavai kachungkhawui vang heishokkhamina.

MATTHEW 26:30

Kala athumna masotlaa akha sāchanghailaga Olive phungreili vāhaowa.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

MARK 14:25

Kachangkhat ina nathumli kahāngna, Vare wungramli kadhara drakhāra̱ mangki kaji zimiksho chi marāranglakha eina tangda ina drakhāra̱ hi mamangluimara.”

LUKE 12:32

“Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna.

LUKE 15:32

Kha hiya mathānda ringphārum ngayilak kahaina, kaja nagato hi thihairasai, ringluihaira; shimānhairasai, kha samphangluishithaira.’”

JOHN 15:11

“Ina nathumli kahāng hi iwui ringkaphā chi nathumli leikhavai kala nathumwui ringkaphā chi kāshungchao khavai kasāna.

JOHN 16:22

Chi tākam eina aruihon nathum chotta lei, kha ina nathumli samphangluira, kala nathumwui ning khamathānna pemhaora. Chi kathā khamathān chi nathumwui eina khipānakha mangapaithuimara.

JOHN 17:13

Ara I nawuili rārāli, kala ina okathuili hi kahāng hiya, iwui ringkaphā chi athumna ningli pemting eina samphang khavaina.

OTSAK 10:41

chi mi saikorali theikhangsak maningmana, kha ana kathiwui eina ringshok kahaiwui thili ali ngasoda phāshak-phazā khangaruma, Varena kapangkhui kahaia shākhi kasābing ithumli theikhangasakna.

HEBREWNAO 12:2

Haokaphok eina thuilaga akatang eina tangda ithumwui shitkasang phumhaiki kaja Jishuli yangchingsa. Ana krushli ngacheeda mayāmmana! Kha ali ngaraida khalei khamathān chiwui vang, krushtungli kathiwui maishātli ana khikha mahengsangmimana, kala ara Varewui wungpamkhong yāshong pamda lei.

PHONGKHAMI 14:3

Athum china wungpamkhong, kharinga sāyur mati kala arar maga̱da mati chiwui mangāli laadhar akha sai. Okathui katongawui eina ngatangkhui kahai athum thing shākha hangmatida mati maningla khangatei khipānakha laa chi matamkhuirarmana.

PHONGKHAMI 7:17

khikhalajila wungpamkhong alungthungli kapama Yaonao china athumli hommida kharinga tara̱ khawur ura̱pamli thanvāmira; kala Varena athumwui mikwui chara̱ mitmisera.”