MATTHEW 26:28 - Kathara Bible (BSI)

²⁸ khikhalajila hi tuingashitwui iwui asheena, morei pheomi khavai kachungkhawui vang heishokkhamina.

MATTHEW 26:28 Iomraidhean Croise

JEREMIAH 31:31

“Yanglu, chitharan Judahwui shimkhur eina Israelwui shimkhurli ina tuingashit kadhar akha sāki kaji zimiksho chi rārāda lei da Prohona hānga;

PĀNGMONSHI 17:11

Khikhalajila phasāwui ringkhavai chi asheeli lei, kala nathumwui manglā pheomi khavai ina chi hanphuttungli mikahaina, kaja kharing khaleiwui vang ashee eina morei pheomi kapaina.

ZECHARIAH 9:11

Nawui vangla, ashee eina ini tuingashit sākahaiwui vang, tara̱ makhalei chomwui eina nawui tuknar kahaibingli ina chihomira.

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

MATTHEW 26:27

Chiwui thili ana tengkot akha khuida Vareli ningkashi mihailaga athumli mida hānga, “Nathum saikora hiwui eina manglu;

MATTHEW 26:29

Ina nathumli kahāngna, iwui Avāwui wungramli nathumli ngasoda kadhara drakhāra̱ mangrumki kaji zimiksho marāranglakha eina tangda ina drākhārong hiwui mamangluimara.”

MATTHEW 6:12

Ithumli khayonkhamāng kasābingli ithumna pheomi kahai thada, Ithumwui khayonkhamāngla kapheomilu;

MARK 1:4

Chieina Ra̱hikme Johnna lamhāngli vai kala ningngateida morei pheomi khavaiwui pao hāshokta ra̱hikmi.

MARK 14:24

Kala ana athumli hānga, “Hi kachungkhawui vang heishokmi kahai iwui tuingashitwui asheena.

LUKE 22:19

Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

LUKE 22:20

Kharewui tākam eina shaikup kahai tharan tengkot chi athumli mida hānga, “Nathumwui vang heishokmi kahai tengkot iwui ashee eina sākahai kadhara tuingashitna.

ROMNAO 5:15

Kha khani chi mangaraichāmana, kaja Varewui lemmet chi Adamwui morei mathāmana; kachiwui vangkhala kaja mi akhawui moreiwui vang mi kachungkha kathi samphanga kaji mashunga. Kha Varewui lukhamashan hiya chili hakmeikhara. Chithada sāda mi akha kaja, Jishu Khrista, chiwui lukhamashan mangā eina mi kachungkhali lemmet mi.

ROMNAO 5:19

Kala mi akhawui kahāng makhanganāwui shongrān china mi kachungkhali morei kaphunga sākhangasak thada, mi akhawui kahāng khanganāwui athei china mi kachungkhali mashung ngasaka.

1 CORINTHNAO 11:25

Chithada sāda zākup kahaiwui thili tengkotla khuida hānga, “Tengkot hi iwui asheeli khalei kadhara tuingashitna. Nathumna hi mangkachida ili phaningung khavai sālu.”

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

COLOSSIANAO 1:14

Ara ithumli ningkhān ngasakhaira, kaja ithumwui morei pheomihaira.

COLOSSIANAO 1:20

kala awui manga eina okathuilila, kazingramlila khalei saikora krushwui ashee china chingri eina ali ngashimkhui khavai sai.

HEBREWNAO 10:29

Chithākha Varewui naomayarali makachāpa, moreiwui eina tharmi kahai Varewui tuingashitwui asheeli paisor eina kaphaninga mi, lukhamashanwui Manglāli mana̱kashe mi chi khi ngasāra? Awui tandi kayākha sakmeirakhala da phaningyanglu!

HEBREWNAO 13:20

Ara, yaobingwui kahaka yaokahoma ithumwui Proho Jishuli ringshoklui khangasaka Varewui chingri kahai, katang makhavai tuingashitwui ashee mangā eina,

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.

1 JOHN 2:2

Khrista akhalatta hi ithumwui morei pheomi khavai apongna, ithumwui moreiwui vangmāng maningla apuk-apagawui vangna.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.

PHONGKHAMI 7:9

Chiwui thili ina khayang tharan, yanglu, mina mashānkharar mikazip akha ngalei kachiva̱wui eina, shang kachiva̱wui eina, miyur kala tuiyur kachiva̱wui eina kachara sāri shaksālaga pāngli khaneinā singriplaga wungpamkhong kala Yaonaowui mangāli nganingserlaga;