MATTHEW 26:27 - Kathara Bible (BSI)

²⁷ Chiwui thili ana tengkot akha khuida Vareli ningkashi mihailaga athumli mida hānga, “Nathum saikora hiwui eina manglu;

MATTHEW 26:27 Iomraidhean Croise

LAA 116:13

Huikhamiwui tengkot ina khāngkāra kala Prohowui mingli ngakaokāra.

SOLOMONWUI LAA 5:1

Ina iwui yāmguili rai, izarva̱, iwui khām kahaiva̱, iwui nganamkaphāphā ot eina ngasoda ina myrrh kazipkhui, ina iwui khuihāng eina ngasoda khuira̱ shai, ina drakhāra̱ eina ngasoda seina̱ manga. Zālu O ngasotnaobing, kala manglu: kachungkha manglu, O leikashebing!

SOLOMONWUI LAA 7:9

nawui maya̱kakhui ahā eina morchaili nganaiyok eina mathāmeikap kaji drakhāra̱ longkatā thai.

ISAIAH 25:6

Phungrei hili saikorawui Prohona okathui miyur saikorawui vang zātkhān akha ngarānmira, aman kasaka kashakazā kala mathāmeithui kaji drakhāra̱ eina.

ISAIAH 55:1

“Hei, ra̱kachanga kachiva̱, tara̱ chili rālu! kala pheisā makhalei a chi, rālu, lokhuida zālu! Rālu, pheisa kala aman mazangla drakhāra̱ kala seina̱ rālokhuilu.

MATTHEW 15:36

ana khamui shini kala khai chi khuilaga ningkashi seihā sai kala serkhailaga sākhangatha̱bingli mi, chieina athumna yaruili yaowa.

MATTHEW 26:26

Athum phazāmahunglakha Jishuna khamui khuida ningkashiwui seihā sāhailaga khamui chi serkhaida athumli mida hānga, “Khuilu, shailu, hi iwui asāna.”

MATTHEW 26:28

khikhalajila hi tuingashitwui iwui asheena, morei pheomi khavai kachungkhawui vang heishokkhamina.

LUKE 22:20

Kharewui tākam eina shaikup kahai tharan tengkot chi athumli mida hānga, “Nathumwui vang heishokmi kahai tengkot iwui ashee eina sākahai kadhara tuingashitna.

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

1 CORINTHNAO 11:28

Kachichā khalatta shaingayiya, mashaingayimana kaji machuklaga khamui chi shairanu kala tengkotwui chi mangranu.