MATTHEW 26:24 - Kathara Bible (BSI)

²⁴ Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 26:24 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

LAA 55:15

Athumli kathi rāshungranu; kharing eina Kathewui ramli vāranu; khangachee khangachā eina chikhurli zangranu.

LAA 55:23

Kha, O Vare, nana athumli thukmeikap kaji chomli horsanghaora; ashee ningkachāngbing kala kachipatabing, athumwui mirin tangkhaila maokthuimara. Kha iva nali shitsangtha̱ra.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 18:7

Morei sākhavai kasuiwui vang okathuili kakhanang ngasaranu! Kaja kasui hi rāphalungra, kha kasui rākhangasaka mi chi kakhanang ngasaranu!

MATTHEW 26:31

Chiwui thili Jishuna athumli hānga, “Arui ngayā nathum saikora imangli horhailaga yāmserhaora, kaja kathara lairikli hithada kapihai, ‘Ina yaokahomali sāthathaora kala yao ashangva̱ chi chaiyānghaora.’

MATTHEW 26:54

Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?”

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MARK 14:21

Kaja kathara lairikli kapi kahai thada miwui Naomayara chi thira; kha miwui Naomayarali yankasaia a chiwui kalāshāt! Awui vanga marāpharākasāna phāmei.”

MARK 9:12

Jishuna, “Elijahna ot saikora hankhuiluishit khavai rida rai; kala miwui Naomayarawui pongli kakhanang kala mana̱kashi kachungkha samphangrada Kathara Lairikli kathada kapihailikhala?

LUKE 22:22

Kaja miwui Naomayarana Varena ngarān kahai chiwui athishurda thira kha ali yorkazāpa chili kakhanang ringkashi ngasāranu.”

LUKE 24:46

“Hithada kapihaili, kaja Messiahna kachotkachāng phungphalungra kala kakathumathang kathiwui eina ringluira.

JOHN 17:12

Nana ili mikahai athumli ina ngasoda leilakha namingwui pangshap eina ina athumli mayonmi, ina athumli mayonmida leilakha, kathara tui chi ungshung khavai shimānphalungki kajepa maningla khipākha mashimānmana.

JOHN 19:24

Chieina athum akha eina akha ngazek ngarokta “He maserkhākhaisa, khipāwui ngasānikhala, ka̱lā yanghaosa” da mayāngaroka. Hi kathara tuili hāngkahai, “Athumna iwui kashankachon ngayara; kala iwui phahon katumawui vang ka̱lā yangra” kaji chi ungshung khavaina.

JOHN 19:28

Chiwui thili Jishuna ot kuphaira kaji theida, Kathara lairikwui tui chi ungshung khavai, “I ra̱changhaira” da hānga.

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

OTSAK 4:28

athumna kakazip hi nawui pangshap kala kaphaning eina shokkhavai ngarānping kahaina.

1 CORINTHNAO 15:3

Ina samkaphang mataimeikap kaji pao chi nathumli mikhamaronna. Chiya Kathara lairikli kapi kahai thada Khristana ithum moreiwui vang thimi,