MATTHEW 26:10 - Kathara Bible (BSI)

¹⁰ Kha athumna kahāng chi Jishuna theida athumli hānga, “Khisāda nathumna sha̱naopāva̱ hili sheikhautkhala? Ana ili khamathā ot sāmihaira.

MATTHEW 26:10 Iomraidhean Croise

NEHEMIAH 2:18

Kala kaphā sākhavai Varewui pāngna ili ngasokhami chi athumli hānga, kala awungana ili kahāng saikora chila athumli hāngsera. Chieina athumna, “Ithum ngakarthuida sakāluisa” da hānga. Chiwui vang athumna yāng chishotta ot sāphoka.

JOBWUI LAIRIK 13:7

Nathumna Varewui vang nguida matuirala? kala awui vang kapikta hāngrala?

MATTHEW 26:11

Kachāmabingli nathum ngasopamchingfara kha nathum ili mangasopamchingmara.

MATTHEW 26:9

“Thao hi aman kachungkha eina yorkhuilaga kachāmabingli mihaipai!”

MARK 14:6

Kha Jishuna hānga, “Ali aningkhānranu. Khisāda ali sheikhautkhala? Ana ili khamathā ot sāmihaira.

LUKE 8:49

Ana matuimahungda leilakha, khamungawui shim eina kharā mi akhana rāhānga, “Nanao ngalāva̱ thihaira, Ojālila masheikhautluialu”.

2 CORINTHNAO 9:8

Nathumna darkar kasā chili lāngmeikhārda Varena awui lukhamashan mishapa. Chieina nathumwui mirinli kala kaphā ot kasāli khavāt maleimara.

GALATIANAO 1:7

Paokaphā khangatei maleiluimana, kha ina hi kahāngna kaja mi kaikhana nathumli pa̱ngapā ngasakta Khristawui paokaphā hi mashongachei khavai kasāna.

GALATIANAO 5:12

Nathumli pa̱ngapā khangasakbing chi ahui rimkashokmāng majila athum khalatta akhāla sāchaohaoranu.

GALATIANAO 6:17

Naomeikapta, khipākha ili makhananglui ngasakalu, khiwui vangkhala kaja iphasāli khangakhai hina I Jishuwui rao akhana kaji shākhina.

EPHESIANAO 2:10

Ithum hi Varewui pāngthemna kala kaphā ot sākhavai Khrista Jishuwui lungli ithumli Varena sākahaina kala kaphā ot chi sākhavai ana rilāk eina ngarānpinghaikasāna.

COLOSSIANAO 1:10

Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.

2 THESSALONICANAO 2:17

kaphā ot chi sāshap khavai kala kaphā chiwui vang matuishap khavai nathumli katommiranu kala pingngasakranu.

1 TIMOTHY 3:1

Hi khamashung chānsam tuina; Kachikathā mina churchwui kathāna sāngaiakha, ana kaphā otli ningkachāngna.

1 TIMOTHY 5:10

kala kaphā otsak kasava̱; misui morei makaphungva̱, nao nganaokatheiva̱, shitkasangbingli phei pheokhamiva̱, kakhanangbingli ngachonkhamiva̱ kala kaphā ot kasāli ningkasangva̱ ngasāphalungra.

2 TIMOTHY 2:21

Kachikathā mina makaphāwui eina akhalatta tharngasakhaiakha, kasaka otwui vang shichinra, kaja khamathā ot sākhavai awui akhavāli chigat kahaina.

TITUS 1:16

Athumna Vareli thei da hānga, kha athumwui otsakva chili mamayāmana. Athum hiya kaphā ot sākhavai matik makachā, yangkharingkapai kala kahāng makhanganābingna.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

TITUS 3:1

Khamungabing eina pangshap kasingabingli mayā khavai, athumwui kahāng nganā khavai, kala khamashung ot sāngairareohai khavai nawui mibingli phaningung ngasaklu.

TITUS 3:14

Kachangkhat darkar khalei chi mishap khavai ithumwui mibingna kaphā ot kasāli ngalang chigathei khavai tamkhuiphalungra kala aremawui mirin maringphalungmara.

TITUS 3:8

Hi khamashunga chānsamna; Ina nali hiwui pongli saklak eina hāng ngasakngai. Chithākha Vareli shitkasangabingna kaphā ot kasāli chekchinmeira kala hikathā hi mibingwui vang phai kala kānnai.

HEBREWNAO 13:21

awui kaphaning sākhavai Varena kaphā chi ngarumsangmida, Khristawui mangā eina awui ningyāng ungkhavai ithumwui eina shokranu. Khristali mashimānda tekmateichingranu. Amen.

1 PETER 2:12

Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.