MATTHEW 25:6 - Kathara Bible (BSI)

⁶ Kha ngayā sailungphup atamli ‘Yanglu, mākakhāmali! Ali samphang khavai rālu!’ da vaowa.

MATTHEW 25:6 Iomraidhean Croise

LAA 96:13

Prohowui mangāli khamathān laa sāra, kaja ana okathuili bichar sākhavai rai. Ana khamashung khangarong eina ngasoda apuk-apagali kala mibinglila khamashung eina bichar sāra.

LAA 98:9

Prohowui mangāli, kaja ana okathuli bichar sākhavai rai. Ana apuk-apagali khamashung khangarong eina bichar sāra, kala mibingli mashun eina bichar sāra.

ISAIAH 25:9

Chithanghon hithāda hāngra, “Yanglu, hi ithumwui Varena; ana ithumli kanmirada ithumna ali ngarai. Hi ithumna khangarai Prohochina; ithumna awui huikhamili ringphāsa kala mathānsa.”

AMOS 4:12

“Chiwui vang eina, O Israel, ina nathumli hithāda sāra; ina nali sāki kaji chiwui vang, nathumwui Vareli samphang khavai khangarān sālu, O Israel!”

MATTHEW 24:31

kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

MATTHEW 24:44

Chiwui vang eina nathumla ngaranpinghaisāphalungra, khikhalajila nathumna maphaningsālak kaji pung chili miwui Naomayara china rāra.

MATTHEW 25:1

“Kazing wungram chiya thaomei singlaga mākakhāmali samphang khavai khavā ngalā tharāli ngaheopai.

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 25:5

Mākakhāma china kharā huihaoda athum chi singutphokuwa kala piphuphaowa.

MATTHEW 25:7

Chieina ngalā tharā china ngakarthuida athumwui thaomei shara.

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

LUKE 12:46

rao china maphaningkasa zimiksho kala makathei pungli akhavā china hanungda ali tandi mida mashitkasangbingna kapam apamli haihaora.

1 THESSALONICANAO 4:16

Chithang ningkhamiwui kakaso khavao, kazingrao akhavāwui akhon, kala Varewui talla̱khon eina ngasoda Proho a khalatta kazingramwui eina rāra. Khristali shitsangda thikahaibingna rida ringshokra.

2 PETER 3:10

Kha Prohowui zimiksho chi khale thada rāra. Chithang kazingramla akhon panglāk eina ngashumda shimānhaora kala chiwui alungli khalei saikora mei eina chuitāserhaora.

PHONGKHAMI 16:15

“Yanglu ina khale thada rāki kaji chi chithangna. Chithang kashankachon ngavaipamkasāpā chi sokhami ngasāranu, kaja ana yaruiwui miktāli mahongda mazatmara kala kakhayak masamphangmara.”