2 Phangāva mangma̱ya kala phangāna thangmei.
Luk akhali kazang khaorāthei chiya khamathāmānga, minkhare khaorathei thai, kha akhapali kazanga chiya zakkashi mashaikapaimānga.
“Nganālu! Ina nathumli ramfawui ngachaili yao thada kachihona. Chiwui vang eina nathumna phara̱wui thada themlu kala nāsha̱wui khanim thada nimlu.
“Chithākha kahāng khanganā kala thangkhama, shimva̱ china shimkhurwui kashok kazang saikora yangmi khavai kala atam chālak eina khangatei raobingli kashakazā khuimi khavai otsin horsangkhami rao chi khipakhala?
Kaja mangkhama̱bing china thaomei khuiphunga, kha thaora̱ makhuiphungmana,
kha thangkhameibing china athumwui thaomeiwui vang thaokhong pemda thaora̱ khuiphunga.
Kha thangkhameibing china ngahānkai, ‘Ithumwui vangla nathumwui vangla mangachangmaraomana. Thaora̱ khayorpamli vālaga nathum khalatta alokhuitha̱lu.’
Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.
Hiwui pongli nathumna theida lei jilala Israelnaobingli Prohona Egyptwui eina kathada thānshokmi, kala naoda mashitkasangbingli kathada shimān ngasakhao kajiwui pongli ina nathumli phaningung ngasakli.
