MATTHEW 25:12 - Kathara Bible (BSI)

¹² Kha ana hānga, ‘Kachangkhat ina nathumli kahāngna, nathumli I matheimana.’

MATTHEW 25:12 Iomraidhean Croise

LAA 1:6

kaja Prohona khamashungabingwui apong chi yangda lei, kha makhayāwui apongva shimānra.

LAA 5:5

Langkaso china nawui miktāli manganinglengmara, makaphā kasābing saikorali nana ningkachai.

HABAKKUK 1:13

Makaphā yangkhavaili lāngda mathingkhamei mik, khanguili mayangkatheia, khisāda shitkasang makhaleia mili yangrakhala, kala makaphā makhayāna mashungkhamei mili mayuikatā tharan khisāda kasaikha pamhao?

MATTHEW 25:11

“Khaleilaga khangatei ngalāva̱bing chila rāda, ‘Amei, Amei, ithumlila kashomilu’ da hānga.

MATTHEW 25:13

“Chiwui vang eina rimpamlu, khikhalajila nathumna zimiksho kala pung chi matheimana.

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

JOHN 10:27

Iwui yaobingna iwui akhon shai; ina athumli thei, kala athumna ili shura.

JOHN 9:31

Varena morei kaphungbingli mashāmimana, kaji ithumna thei, kha ali khokharuma kala awui ningkachāng kasā athumli Varena shāmi.

1 CORINTHNAO 8:3

Kha Vareli leikashe mili Varena theimi.

GALATIANAO 4:9

Kha ara nathum Vareli theihaira, lah Varena nathumli thei— nathum kathada khangazana kala lumashankapai manglabingli hanungga jihaokhala? Khiwuivang athumwui rao saluingaihaokhala?

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”