MATTHEW 25:10 - Kathara Bible (BSI)

¹⁰ Athumna thaora̱ lokhavai thuikahai tharan ma̱kakha̱ma chi rāhaowa kala ngarānping kahai ngalāva̱bing china ali ngasoda shakazāwui zātkhāngli azanguwa, kala khamong shunghaowa.

MATTHEW 25:10 Iomraidhean Croise

HAOKAPHOK 7:16

Varena kakaso athishurda phasā khavai yur saikorawui avā eina ava̱ kātong kahai eina Prohona khāmong shungmihaowa.

LAA 95:11

Chiwui vang ina iwui malungkhavātli athum iwui ngasāmkakhuili mazangaranu da hangtā kahaina.

MATTHEW 24:42

“Ngasharda rimpamsālu, khikhalajila nawui Proho katharan rāra̱khala da nathum matheimana.

MATTHEW 24:43

Kha hi theilu, chiya shimva̱ china khale chi katharan rāra̱khala kaji atam theisāsi kaja ana ngasharda rimpamlaga khale chili awui shim mashaokhaizang ngasakmara.

MATTHEW 24:44

Chiwui vang eina nathumla ngaranpinghaisāphalungra, khikhalajila nathumna maphaningsālak kaji pung chili miwui Naomayara china rāra.

MATTHEW 25:6

Kha ngayā sailungphup atamli ‘Yanglu, mākakhāmali! Ali samphang khavai rālu!’ da vaowa.

MATTHEW 7:21

“Ili, ‘Proho, Proho’ da khangakaoa mi kachiva̱ kazing wungramli zangki kaji maningmana, kha kazingramli khaleia iwui Avāwui kaphaning kasaa china zangra.

LUKE 12:35

“Kharārā kachiva̱li ngasung khavai shaksākhariklu kala thaomei sharkāhailu.

LUKE 13:25

Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

COLOSSIANAO 1:12

Varena awui miyurbingwui vang ngarānmi kahai wungram chili nathumwui sharukla zangngasakhaowa kajiwui vang khamathān eina ngasoda Avāva̱li masotchikatlu.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 19:7

Ithum mathānda ringphāsa kala aming tekmatei ngasaksa, khikhalajila Yaonaowui shakzāt atam rāhaira, awui Mākkhām kahaiva̱ ngarānpinghaira;

PHONGKHAMI 22:20

Saikora hili shākhi khame china hānga: “Kachangkhat I thākta rāra!” Amen, rāmilu, Proho Jishu!