MATTHEW 24:9 - Kathara Bible (BSI)

⁹ “Chiwui thili nathumli tukkhuida tandi mikhavai kala shaothat khavai misangra. Yur saikorana iwui vang eina nathumli yangkharingra.

MATTHEW 24:9 Iomraidhean Croise

CHĀNSAM 29:27

Makhamashung mi hi khangarongawui vang ningkakachai otna, kha mashun apongli kazat mi hi makhayāwui yangkakharing otna.

DANIEL 11:33

Atam kasha̱khawui vang raighai, meilung, tukkathui kala sākashimānli tāzangsālala, athumwui alungli thangkhamei kathānabingna yaruili theikhui ngasakra.

MATTHEW 22:6

khangatei raobing kaikhali athumna tukkhuilaga zakshilāk eina shaomi kala sāthathaowa.

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

LUKE 11:49

Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

LUKE 21:12

Kha saikora hi mashokranglakha athumna nathumli tukkhuida rekhareklaga synagogueli khuivāra kala phātoplila sangra kala nathumli iwui mingwui vang eina awungabing eina governorbingwui mangāli nganing khavai khuivāra.

JOHN 15:18

“Apuk-apagvana nathumli ningkachaiakha, ili rida ningkachai kahaina kaji phaningunglu.

JOHN 15:21

Kha iwui vang eina athumna nathumli saikora hi sāra, kachiwui vangkhala kaja athumna ili kashirāta chili matheimana.

JOHN 16:2

Athumna nathumli synagoguewui eina kashamshokra; makahatla nathumli shaokathata china awui otsak chi Vareli otram khangatha̱na da kaphaning atam rāra.

OTSAK 28:22

Kha nawui kaphaning khi leimameikhala kaji nawui eina shāngai; kaja apam kachiva̱li ashangva̱ hili mashātta khamatui ithumna thei.”

OTSAK 7:59

Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai.

1 PETER 4:16

Kha shitkasanga mi akha sāda kachotkachāng samphangakha chiwui vang makhayakalu. Khristawui ming samkaphangwui vang Vareli ningshitha̱ki kajina.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.