MATTHEW 24:35 - Kathara Bible (BSI)

³⁵ Kazingram kala okathuila shimānhaora, kha iwui tui mashimānlakmara.

MATTHEW 24:35 Iomraidhean Croise

LAA 102:26

Athum shimānra, kha nava leichingra; athum saikora kashankachon thāda kakhaora. Kashankachon thāda nana ngacheimi, kala athum kānthuihaowa;

LAA 119:89

O Proho, nawui tui kazingramli ngaziplak eina katang mavaila leichingra.

LAA 19:7

Prohowui ain chiya ungshung vāshungchaowa, manglāli mathuk ngasaka; Prohowui hāngkahai mangapatlakmana, khikha makatheiyali thangmei ngasaka.

LAA 89:34

Iwui tuingashit ina masākhaimara, lah imorchai eina shokkahai tui chila mangacheimara.

CHĀNSAM 30:5

Varewui tui kachiva̱ khamashungnada theikhui; ana ali khangayinbingwui chāngvei sami.

ISAIAH 34:4

Kazingli khalei katonga shuihaora, kala kazingram lairik kakhalui thāda khaluihaora. Drakhārongna anah kaja̱ thāda, khaorārongna anah kaja̱ thāda atungshong khalei saikora tātungserhaora.

ISAIAH 40:8

Thingnāna thenga, awonla ngahui, kha ithum Varewui tui mashimānda leichingra.

ISAIAH 51:6

Kazingramli namik yangkālu, kala azingshong okathuili yangtālu; kaja kazingram meikhut thāda shimānhaora, okathuina chonshi thāda tāngurhaora, kala chili kapambing hāmi thāda thihaora. Kha iwui huikhami leichingra, kala iwui ngatangkhami katang mavaimara.

ISAIAH 54:10

Kaja phungreibing pākthuihaipai kala phungrābing khuithuihaipai, kha iwui makhangachei leikashi nathumwui eina mapākthuimara; kala iwui chingri kahaiwui tuingashit chi makhuithuilakmara,” da nathumwuitungli lumashankhame Prohona hānga.

ISAIAH 55:11

Iwui khamorwui eina kashok iwui tuila chithāra; khamasai eina ili malatungmara, kha ina khangarān chi ungshung ngasakra, ina kachiho chiwui athishurda reisang ngasakra.

DANIEL 4:28

Saikora chi awunga Nebuchadnezzarli shoksera.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MARK 13:31

Kazingram kala okathuila shimānhaora, kha iwui tui mashimānlakmara.

LUKE 21:33

Kazingram eina okathuila shimānhaora kha iwui tuiva kachilikha mashimānmara.

TITUS 1:2

Chi makashimān mirinwui kachihānli pheisin sai. Makakapika Varena okathui masāranglakha mirin chi ngashitmihaikasāna,

1 PETER 1:25

kha Prohowui tui chiya katang mavaila ngayurzatchinga, tui chi nathumli hāshok kahai khamathā paokaphā china.”

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.

PHONGKHAMI 3:14

“Laodicea churchwui kazingraoli kapilu: “Amen kaho ningkatonga kala khamashunga shākhi, Varena sākahai ot saikorawui angayung chiwui paona.

PHONGKHAMI 6:14

kazingla lairik thada khaluithuihaowa; kala phungreila yikuiramla athumwui apam eina ngacheiserhaowa.