33 Chi tākam eina nathumna saikora hi kathei tharan, A nganaihaira, ngaveichingli leihaira da nathumna thei.
“Khaorārongwui eina tamkhuilu: aphāngna nuiuda anah shokura̱akha mayo kachāng rāura da nathumna thei.
Kaja hithada kathara Lairikli kapihaida lei. “Kasha̱khawui thili rāki kaje chi rāra; masāngmara.
Ivānaongarā, nathum akha eina akha maphen ngarokalu, chithākha Varena nathumli bichar masāmara. Bicharwo rākida nganaikhailakhaira, rākachangrāli.
Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.
Yanglu ina khāmongli nganingda shaoda lei, kachikathāna iwui khon shāda khāmong shomiakha ina ali zangra kala ina ali kala ana ili phazārumra.