MATTHEW 24:31 - Kathara Bible (BSI)

³¹ kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

MATTHEW 24:31 Iomraidhean Croise

LAA 22:27

Okathui akatang saikorana Proholi phaningungda ngareiungra; kala yur kachiva̱wui shimkhurna awui mangāli khorumra.

LAA 67:7

Varena ithumli latluida somiranu; okathui hupta ali ngacheeranu.

LAA 81:3

Phanitwui vang talla̱ khonglu, kachāngna khawok kala khangani tharan.

SHONGZĀ 19:16

Kakathumathangwui ngathor kazing ngashumda rikhān ngasheiya, kala muiyā kashā akha phungreitungli ngapuirora, kala talla̱khon panglāk eina khongda rāmrahli khalei mibing saikora kathirhaowa.

ISAIAH 11:12

Miyurbingwui vang machut khavai ana akha shokngasakra; Israelwui ngakhei kahaibing chili kazipkhuira, Judahwui ngapha̱yāng kahaibing chili kazipkhuira, okathui achikun matiwui eina.

ISAIAH 13:5

Athum ngalei katāva̱wui eina rai, kazingram akatangwui eina, Proho kala malungkhavātwui zeighai ngahā eina, okathui tongda shimān ngasak khavai.

ISAIAH 27:13

Kala chithanghon talla̱khon panglāk kahai akha khongra; kala Assyria ngalei shimān kahaibing kala Egyptwui eina kasham kahaibingna rāda Jerusalemwui kathara kaphungli Proholi rākhorumra.

ISAIAH 42:10

Proholi laa kadhar akha sālu, awui masot okathui akatangwui eina! Ngayila ngaphaoranu kala chiwui alungli khalei saikora, shamadrupheili khalei ngalei eina chiwui mibing saikorala soranu.

ISAIAH 43:6

Inaomayara ngarā, inaongalāva̱ ngarā, okathui achikun matiwui eina khuirāser khavai, atoli Chihohaolu, azeli Makhāmalu da hāngra.

ISAIAH 45:22

“Ili ngareiungda huikhuilu, okathui akatang saikora! Kaja I Varena, katei maleiluimana.

ISAIAH 49:18

Namik kuimareida kapeiyanglu, athumna nawuili rākazipta lei. Prohona hānga, I ringlakha saikora hi nana sāri sāda ngavaira, nana chi khāmkahaiva̱wui thāda ngavaira.

ISAIAH 60:4

Namik kuimareida kapeikāyanglu; athum saikora kazipkhuida nawuili rāli; nanaomayarabing katāva̱wui eina ungra, kala naongalava̱ ngarāli pāngtheili vamungra.

DANIEL 7:2

Ngayāshong mangshongli ina khamahā akha athei, kala yanglu, kazingram achikun matiwui masina kahaka shamadruli phankazama.

ZECHARIAH 14:5

Nathumna phungrei khani sāda ngakai khavai tampāk eina yāmshokra; nathumna navā ngarāna Judahwui awunga Uzziahwui thotli neina̱ kakhanukli khayām thāda yāmra. Chiwui thili Proho nawui Vare rāra, kala katharabing ali ngasoda rāra.

ZECHARIAH 2:6

Ah! ha! Atungshongwui ngalei eina yāmthulu, da Prohona hānga; kaja “Ina kazingram achikun matiwui masi thāda apam saikorali nathumli yaoyāngmi kahaina, da Prohona hānga.

ZECHARIAH 6:5

Chieina kazingrao china ili ngahānkai, “Hibing hi okathui saikorawui Prohowui mangāli vānganing kahaiwui thili kazingramwui masi matili vaukida kazatna.”

ZECHARIAH 9:10

Ephraimwui eina siguigari, kala Jerusalemwui eina raisigui ina katathaora. Kala ngararphungwui malā chi katathaida, ana yurbingli chingrihai khavai kasora; Shamadruwui eina thuilaga shamadru vāshungda, Kong chiwui eina thuilaga okathui akatanga eina tangda ana mungra.

ZECHARIAH 9:14

Chiwui thili Prohona athumli rāchitheira, kala awui malāthing rikhān thāda vāra; Proho VAREna talla̱ khongra, kala azingshongwui sur kakhaningwui ngachaili muivāra.

MATTHEW 13:41

Mibingli morei kala makaphā makhayā sakhangasaka athumli wungramwui ayarli kazipkhui khavai miwui Naomayarana awui kazingraobing shivātra,

MATTHEW 24:22

Kala zimikshobing chi masha̱sang ngasakakha, mikumo akhala mahuikhuimara; kha kapangkhui kahai mibingwui vang eina zimikshobing chi sha̱sang ngasakra.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 24:32

“Khaorārongwui eina tamkhuilu: aphāngna nuiuda anah shokura̱akha mayo kachāng rāura da nathumna thei.

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

MARK 13:27

Ana kazingraobingli achikun matili chihovāda awui kapangkhui kahaibingli okathuiwui akatang eina thuilaga kazingram akatang eina tangda kazipkhui ngasakra.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

JOHN 11:52

Kala athumwui vangmāng maningla, Varewui mibing chaiyāng eina leikasābingli akha sāda ungkazip ngasakra kajina.

ROMNAO 10:18

Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

EPHESIANAO 1:10

Retkahai atamli Varena pongngasaki kaji khangarān hi Khristana akuia sāda kazinglila, okathuilila khalei manglākapai saikora kharupkhui khavaina.

KHALATLUI 30:4

Kalikha nathumli apam ngatateidali chaiyāng ngasakhaisālala, Proho nathumwui Varena chiwui eina nathumli kazipkhuiluishitra, kala chiwui eina ana nathumli shok ngasakluira;

KHALATLUI 4:32

“Kaja arui ngahānlu, thuikahai atam kala na mapharāranglakhawui alungli Varena okathuili mi semthang eina thuida, kala kazingram akatang akhawui eina khangatei akatangli, hikathā kahaka ot mashokhaira, lah mashāhaira? da ngahānlu.

1 THESSALONICANAO 4:16

Chithang ningkhamiwui kakaso khavao, kazingrao akhavāwui akhon, kala Varewui talla̱khon eina ngasoda Proho a khalatta kazingramwui eina rāra. Khristali shitsangda thikahaibingna rida ringshokra.

2 THESSALONICANAO 2:1

Ithumwui Proho Jishu Khrista latrāluiki kaji kala ali ngasoda ithum kaziprumki kajiwui pongli ivānaobing nathumli kapona,

HEBREWNAO 12:19

talla̱khon kala tuikhon chili kharā maningmana. Mibingna khamatui akhon chi maningla khangatei mashā ngasak khavai poi.

PHONGKHAMI 1:20

Iwui yāpāngli nana sirā shini kathei, kala sināwui thaomeishong shini chiwui khangathum kakhalat chi hina; sirā shini chi church shiniwui kazingraobingna, kala thaomei shini chi Church shini china.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 7:1

Hiwui thili kazingrao mati china okathui achikun matili khanganing chi ina thei; ngaleilila, shamadrulila, kala thingronglila masi maphanza̱lak khavai athumna achikun matiwui masi chi singtita.

PHONGKHAMI 8:2

Chiwui thili Varewui mangāli kazingrao shini khanganing chi ina thei, kala athumli talla̱ shini mihaowa.