MATTHEW 24:30 - Kathara Bible (BSI)

³⁰ chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 24:30 Iomraidhean Croise

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

ZECHARIAH 12:11

Chithanghon Jerusalemli chapkhangachā chi Megiddo tampākli Hadad-rimmonli chapngachārei kahai thāra.

MATTHEW 24:3

Jishuna Olive kaphungli pamlakha, sākhangatha̱bingna ngathumda ali rāngahāna, “Hi katharān shokrakhala, ithumli hāngmilu kala nana rāki kaji eina okathui ngachangki kajiwui machut khirakhala?”

MATTHEW 24:37

Noahwui atamli kashok thada miwui Naomayarana kharāla chithāpapamra.

MATTHEW 24:39

tara̱ phongda athumli makheithuiranglakha eina tangda khi shokhaokhala kaji athum matheimana, miwui Naomayarana kharāla chithāpapamra.

MATTHEW 26:64

Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

MARK 13:26

Chiwui thili miwui Naomayarana hakkhamahā pangshap kala tekhamatei eina ngasoda muiyālungli kharā nathumna theira.

MARK 13:4

“Hi katharan shokra kala ot saikora hi ungshungura kajiwui khudam chi kathara, ithumli kahāngmilu.”

LUKE 21:27

Chiwui thili athumna miwui Naomayarana hakkhamahā pangshap kala tekhamatei eina ngasoda muiyā tongda kharā theira.

LUKE 22:69

Kha aruiwui eina thuilaga miwui Naomayarali Varewui pangshapwui yāshong chipamhaora.”

OTSAK 1:11

“Galileenaobing, nathum kachiwui vang eina kazingramli ngashānkhayangkhala? Nathumwui eina kazingramli khuikā kahai Jishu hi, arui kazingli khuikakā kathei hi tākam eina ana latrāluira.”

2 THESSALONICANAO 1:7

chotkahaia nathumlila, ithumlila ana ngasāmkhui ngasakra. Jishuna, pangshap khaleiya awui kazingraobingli mei eina ngasoda kharā chitharan;

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 12:1

Chiwui thili matakhak kahai akha kazingramli shoka: sha̱nao akha zimik eina sāri sai, kachāngli pheinai sai, kala awui kuihonli sirā tharāda khani kāda leisai.